રોનાલ્ડોની ટીમ સામે હાર્યો મેસ્સી ! અલ-નાસરે ઈન્ટર મિયામી સામે 6-0થી મેળવી જીત
લાંબા સમય બાદ ફૂટબોલના મેદાન પર રોનાલ્ડો અને મેસ્સી વચ્ચે ટક્કર થવાની હતી. પણ રોનાલ્ડો અને મેસ્સીની ઈજાને કારણે આ શક્ય ન બન્યુ. જોકે રોનાલ્ડો વગર પણ અલ નસારે મેસ્સીની ટીમને હરાવી હતી.
અલ નસરે ઇન્ટર મિયામીને 6-0થી હરાવ્યું. ક્રિસ્ટિયાનો રોનાલ્ડો અને લિયોનેલ મેસ્સી ઈજાના કારણે આ ફ્રેન્ડલી મેચ રમી શક્યા ન હતા. જો કે આ મેચ જોવા માટે બંને સ્ટેડિયમમાં ચોક્કસપણે હાજર હતા.
રોનાલ્ડોની ઈજાને કારણે અલ નસરને ગયા અઠવાડિયે ચીનનો બે મેચનો પ્રવાસ રદ કરવો પડ્યો હતો. હવે આ કારણોસર તે પોતાના કટ્ટર હરીફ મેસ્સીની ટીમ ઈન્ટર મિયામી સામે પણ રમી શક્યો નથી.
મેચમાં પોતાની ટીમને શાનદાર સ્થિતિમાં જોઈને રોનાલ્ડો હસતો જોવા મળ્યો હતો, જ્યારે મેસ્સીને મેચ બાદ સાઉદી અરેબિયાના લોકોએ છ ગોલ કરીને ચીડવ્યો હતો. રોનાલ્ડો અને મેસીએ એકસાથે 13 બેલોન ડી'ઓર એવોર્ડ જીત્યા છે, મેસીએ ગયા વર્ષે રેકોર્ડ આઠમી વખત એવોર્ડ જીત્યો હતો.
રોનાલ્ડો અને મેસ્સી છેલ્લે 2023માં સામસામે હતા, જ્યારે રોનાલ્ડોની અલ નસર ટીમનો સામનો મેસ્સીની જૂની ટીમ પીએસજી સામે થયો હતો. તે મેચમાં પીએસજીએ અલ નસરને 5-4થી હરાવ્યું હતું.
અલ નસર તરફથી રમતા બ્રાઝિલના તાલિસ્કાએ ત્રણ ગોલ કર્યા અને ઇન્ટર મિયામી માટે મેચમાં પાછા ફરવું મુશ્કેલ બની ગયું હતુ.
Published On - 10:01 am, Sat, 3 February 24