2 લાખ રૂપિયા સસ્તી થઈ આ પ્રીમિયમ 7 સીટર SUV, હવે આટલી કિંમતે મળશે
ભારતમાં SUVનો ટ્રેન્ડ ઝડપથી વધી રહ્યો છે. મોટી સંખ્યામાં લોકો 7 સીટર SUV પણ પસંદ કરે છે. જો તમારું બજેટ સારું છે અને પ્રીમિયમ 7 સીટર SUV ખરીદવા માંગો છો, તો Skoda તમારા માટે એક સારી ઓફર લઈને આવી છે. કાર કંપનીએ પોતાની લક્ઝુરિયસ SUV Kodiaqની કિંમતમાં ધરખમ ઘટાડો કર્યો છે. હવે તમને આ કાર 2 લાખ રૂપિયા સસ્તી મળશે.
જો તમારું બજેટ સારું છે અને પ્રીમિયમ 7 સીટર SUV ખરીદવા માંગો છો, તો Skoda તમારા માટે એક સારી ઓફર લઈને આવી છે. કાર કંપનીએ પોતાની લક્ઝુરિયસ SUV Kodiaqની કિંમતમાં ધરખમ ઘટાડો કર્યો છે. હવે તમને આ કાર 2 લાખ રૂપિયા સસ્તી મળશે.
સ્કોડાએ માત્ર Kodiaq SUVની કિંમતમાં જ ઘટાડો કર્યો નથી, પરંતુ વેરિઅન્ટ્સમાં પણ ફેરફાર કર્યો છે. આ SUV અગાઉ ત્રણ ટ્રિમ્સમાં ઉપલબ્ધ હતી. જેમાં સ્ટાઇલ, સ્પોર્ટલાઇન અને L&Kનો સમાવેશ થાય છે. પરંતુ હવે આ કાર માત્ર ટોપ વેરિઅન્ટ L&Kમાં જ મળશે. કંપનીએ આ વેરિઅન્ટની કિંમતમાં 2 લાખ રૂપિયાનો ઘટાડો કર્યો છે.
સ્કોડા દ્વારા વેરિઅન્ટ્સ અને કિંમતોમાં કરવામાં આવેલા નવીનતમ ફેરફારો સાથે હવે Kodiaq ખરીદવી એ પહેલા કરતાં વધુ સસ્તી બની ગઈ છે. ઓછી કિંમત હોવા છતાં પણ તમને સંપૂર્ણ સુવિધાઓનો લાભ મળશે. એટલે કે કિંમત ઘટાડી હોવા છતાં તેની ફીચર્સ-સ્પેસિફિકેશન કે એન્જિન વગેરેમાં કોઈ ફેરફાર કરવામાં આવ્યો નથી.
Skoda Kodiaq L&Kની કિંમત વિશે વાત કરીએ તો, તેની એક્સ-શોરૂમ કિંમત 41.99 લાખ રૂપિયા હતી. જે 2 લાખના ઘટાડા બાદ હવે નવી એક્સ-શોરૂમ કિંમત 39.99 લાખ રૂપિયા છે.
પહેલાની જેમ સ્કોડા Kodiaqમાં 2.0 લિટર ચાર સિલિન્ડર ટર્બો પેટ્રોલ એન્જિનનો પાવર મળશે. પાવર ટ્રાન્સમિશન માટે 7 સ્પીડ ડ્યુઅલ ક્લચ ઓટોમેટિક ગિયરબોક્સ આપવામાં આવ્યું છે. જેનાથી કારના ચારેય પૈડાંને પાવર મળે છે.
સ્કોડા કોડિયાકની વિશેષતાઓમાં પિયાનો બ્લેક ડેકોર, 7 સીટ ઈન્ટિરિયર, એર કેર સાથે 3 ઝોન ક્લાઈમેટ્રોનિક એસી, કેન્ટન સાઉન્ડ સિસ્ટમ, કૂલ/હીટેડ સીટ્સ, પેનોરેમિક સનરૂફ, 360 ડિગ્રી કેમેરાનો સમાવેશ થાય છે. આ સિવાય 9 એરબેગ્સ, પાર્ક આસિસ્ટ, એન્ટી લોક બ્રેકિંગ સિસ્ટમ (ABS) અને ઈલેક્ટ્રોનિક સ્ટેબિલિટી કંટ્રોલ (ESC) જેવા સેફ્ટી ફીચર્સ પણ આપવામાં આવ્યા છે.