Gold Price Today: સોનાના ભાવમાં સતત વધારો, ચાંદી પણ તોડી રહી રેકોર્ડ, જાણો આજની કિંમત
આ વર્ષે અત્યાર સુધીમાં, સોનામાં 73.7 ટકાનો વધારો થયો છે. વધુ વૃદ્ધિની અપેક્ષા છે. ઘણા વિશ્લેષકો આગાહી કરે છે કે આવતા વર્ષે સોનાના ભાવમાં વધારો ચાલુ રહેશે. ચાલો દેશના કેટલાક મુખ્ય શહેરોમાં સોનાના દરો પર એક નજર કરીએ.
આ સાથે અમદાવાદ, સુરત, રાજકોટ, અને વડોદરામાં 22 કેરેટ સોનાનો ₹1,27,710 છે. 24 કેરેટ સોનાનો ભાવ પ્રતિ 10 ગ્રામ ₹1,39,310 પર પહોંચી ગયો છે.
સોનાની જેમ, 26 ડિસેમ્બરે ચાંદીમાં પણ વધારો જોવા મળ્યો. ભાવ ₹234,100 પ્રતિ કિલોગ્રામ પર પહોંચ્યો. 25 ડિસેમ્બરના રોજ, ઇન્દોર બુલિયન બજારમાં ચાંદીનો ભાવ પ્રતિ કિલોગ્રામ રૂ.1,000 વધીને રૂ.2,21,000 થયો છે. આંતરરાષ્ટ્રીય બજારમાં ચાંદીનો હાજર ભાવ પ્રતિ ઔંસ $72.70 પર પહોંચી ગયો છે. આ વર્ષે અત્યાર સુધીમાં આંતરરાષ્ટ્રીય બજારમાં ચાંદીના ભાવમાં 151 ટકા અને સ્થાનિક બજારમાં 153 ટકાનો વધારો થયો છે.
ફેડરલ રિઝર્વના ગવર્નર ક્રિસ્ટોફર વોલરે વધુ વ્યાજ દર ઘટાડાને ટેકો આપ્યો હતો, પરંતુ એમ પણ કહ્યું હતું કે નીતિ નિર્માતાઓ સાવધાનીપૂર્વક આગળ વધી શકે છે. યુએસ શ્રમ ડેટામાં વધુ નરમાઈનો સંકેત મળ્યા બાદ તેમની ટિપ્પણી આવી છે.
ANZ માને છે કે આવતા વર્ષના મધ્ય સુધીમાં સોનું $4,600 પ્રતિ ઔંસ સુધી પહોંચી જશે. DSP મેરિલ લિંચ પણ માને છે કે સોનાની તેજી હજુ સુધી સમાપ્ત થઈ નથી.
