સિદ્ધુ મુસેવાલાના નાના ભાઈની પહેલી ઝલક સામે આવી, 8 મહિના બાદ પેરેન્ટે દિખાડ્યો નાના દિકરાનો ચેહરો
સિદ્ધુ મુસેવાલાના માતા-પિતાએ આખરે દુનિયાને તેમના નાના પુત્ર શુભદીપનો ચહેરો બતાવી દીધો છે. તાજેતરમાં, સિદ્ધુના માતા-પિતાએ તેના ઇન્સ્ટાગ્રામ એકાઉન્ટ પર એક ફેમિલી ફોટો પોસ્ટ કર્યો હતો, જેમાં તેની સાથે જુનિયર મુસેવાલા જોવા મળે છે.
સિદ્ધુ મુસેવાલાના મૃત્યુને 2 વર્ષથી વધુ સમય થઈ ગયો છે. 29 મે 2022 ના રોજ, પ્રખ્યાત પંજાબી ગાયકની જાહેરમાં હત્યા કરવામાં આવી હતી. શૂટરોએ તેની કારને ઘેરી લીધી અને ગોળીબાર કરીને તેને મારી નાખ્યો. ગાયકની હત્યા બાદ તેના માતા-પિતાએ તેમના બીજા પુત્ર શુભદીપનું આ વર્ષે IVF દ્વારા આ દુનિયામાં સ્વાગત કર્યું હતું. હવે 8 મહિના બાદ તેનો ચેહરો રિવિલ કર્યો છે.
સિદ્ધુ મુસેવાલાના માતા-પિતાએ તેમના પુત્રનો ચહેરો જાહેર કર્યો છે. સિદ્ધુના માતા-પિતાએ જુનિયર મુસેવાલાની એક તસવીર શેર કરી છે, જેને જોઈને ચાહકોને ફરી એકવાર ગાયકની યાદ આવી ગઈ છે.
સિદ્ધુ મુસેવાલાના માતા-પિતાએ તેના ઈન્સ્ટાગ્રામ એકાઉન્ટ પર એક ફેમિલી ફોટો શેર કર્યો છે, જેમાં તેનો નાનો ભાઈ શુભદીપ સ્વર્ગસ્થ ગાયકના માતા-પિતા સાથે જોઈ શકાય છે. જીન્સ-શર્ટ અને પાઘડીમાં જોવા મળેલા શુભદીપ મુસેવાલા ખૂબ જ ક્યૂટ લાગી રહ્યા છે. ફોટામાં, ગાયકનો નાનો પુત્ર તેના પિતા બલકૌર સિંહ અને માતા ચરણ કૌર સાથે જોવા મળે છે. શુભદીપના હાથમાં એક પુસ્તક પણ છે, જેની સાથે તે પોતાના પિતાના ખોળામાં બેઠો છે.
આ ફોટો શેર કરતી વખતે બેકગ્રાઉન્ડમાં મુસેવાલાનું ગીત વાગી રહ્યું છે. પોસ્ટની સાથેના કેપ્શનમાં લખ્યું છે - 'આંખોમાં ચમક છે, જે આપણા જીવનની દરેક સત્યતાને સમજે છે, ચહેરાની નિર્દોષતા અને શબ્દોની બહારનો અમૂલ્ય પ્રકાશ છે, જે હંમેશા એહસાસ કરાવે છે કે જે ચહેરો ભીનાશથી દેખાય છે. આંખો તેમને સોંપવામાં આવી હતી, તે અકાલપુરુષની કૃપા અને તમામ ભાઈઓ અને બહેનોની પ્રાર્થનાને આભારી છે, અમે ફરીથી નાના સ્વરૂપમાં આવી રહ્યા છીએ.
પોસ્ટમાં આગળ લખ્યું છે- 'અમને ભગવાનમાં વિશ્વાસ છે, અમે તેમના અપાર આશીર્વાદ માટે હંમેશા તેમના ઋણી રહીશું.' જુનિયર મુસેવાલાનો ફોટો જોઈને ઘણા યુઝર્સે કોમેન્ટ બોક્સમાં પ્રતિક્રિયા આપી અને ગાયકને યાદ કરવા લાગ્યા. કોમેન્ટ કરતાં એક યુઝરે લખ્યું - 'ધી કિંગ ઈઝ બેક.' જ્યારે અન્ય ઘણા લોકોએ રેડ હાર્ટ ઇમોજી દ્વારા પોતાનો પ્રેમ વ્યક્ત કર્યો હતો.
Published On - 11:02 am, Fri, 8 November 24