Jammu and Kashmir : શોપિયાં જિલ્લાના કીગનમાં આતંકવાદીઓએ સુરક્ષા દળો પર ગ્રેનેડથી કર્યો હુમલો

જમ્મુ-કાશ્મીરના (Jammu Kashmir) શોપિયાં જિલ્લાના (Shopian District) કીગનમાં આતંકવાદીઓએ સુરક્ષા દળો પર ગ્રેનેડથી હુમલો કર્યો હતો. ગ્રેનેડ લક્ષ્ય ચૂકી ગયો અને રસ્તા પર વિસ્ફોટ થયો. કોઈને ઈજા થઈ હોવાના અહેવાલ નથી. આ પહેલા બુધવારે જમ્મુ અને કાશ્મીર પોલીસની રાજ્ય ગુપ્તચર એજન્સીએ પ્રતિબંધિત આતંકવાદી જૂથ જૈશ-એ-મોહમ્મદ માટે કામ કરવાના આરોપમાં 10 લોકોની ધરપકડ કરી હતી. SIA અધિકારીઓએ કાશ્મીરના દક્ષિણ અને મધ્ય જિલ્લાઓમાં વિવિધ સ્થળોએ રાતોરાત દરોડા પાડ્યા હતા અને દસ લોકોની ધરપકડ કરી હતી.

SIAની રચના તાજેતરમાં કરવામાં આવી હતી અને એજન્સીને આતંકવાદ અને અલગતાવાદ સાથે સંબંધિત ગુનાઓની તપાસ સોંપવામાં આવી છે. અધિકારીઓએ જણાવ્યું હતું કે SIA તપાસ દરમિયાન પ્રતિબંધિત આતંકવાદી જૂથના ‘સ્લીપર સેલ’ અથવા જૂથ માટે કામ કરતા 10 લોકોની ઓળખ કરવામાં આવી હતી. તેમાંથી કોઈ પણ એકબીજાની ગતિવિધિઓથી વાકેફ નહોતું અને સીધા જૈશ-એ-મોહમ્મદના આતંકવાદી કમાન્ડરો પાસેથી સૂચનાઓ લેતા હતા.

એક અધિકારીએ કહ્યું કે આ મોડ્યુલના લોકો એવી રીતે કામ કરી રહ્યા હતા કે જો કોઈ સભ્ય પકડાય તો પણ મોટા નેટવર્કનો પર્દાફાશ ન થાય. આ મોડ્યુલ સતત દેખરેખ દ્વારા શોધી કાઢવામાં આવ્યું હતું. ધરપકડ કરાયેલા લોકો યુવાનોની ભરતી કરવા, નાણાંની વ્યવસ્થા કરવા અને દક્ષિણ અને મધ્ય કાશ્મીરમાં શસ્ત્રો પહોંચાડવામાં સામેલ હતા.

અધિકારીઓએ જણાવ્યું કે, સર્ચ દરમિયાન સેલ ફોન, સિમ કાર્ડ, બેંક ટ્રાન્ઝેક્શન રેકોર્ડ અને એક ડમી પિસ્તોલ પણ જપ્ત કરવામાં આવી છે. ધરપકડ કરાયેલા લોકોમાં તે વ્યક્તિ પણ સામેલ છે જેના ઘરમાં 4 એપ્રિલ, 2020ના રોજ ચાર આતંકવાદીઓ માર્યા ગયા હતા. આ લોકોનો હેતુ દક્ષિણ અને મધ્ય કાશ્મીરમાં આતંકવાદી પ્રવૃતિઓને નાણાં આપવાનો અને શાળા અને કોલેજના વિદ્યાર્થીઓની ભરતી કરવાનો હતો, એમ તેમણે જણાવ્યું હતું.

આ પણ વાંચો – Delhi: જૂની સીમાપુરીમાંથી મળેલી બેગમાંથી મળ્યું IED, શંકાસ્પદ બેગ મળે તે પહેલા જ ભાડૂતો ઘરમાંથી ભાગ્યા, તપાસમાં થશે ઘટસ્ફોટ

આ પણ વાંચો –

વિદેશ મંત્રી એસ જયશંકર 18 થી 23 ફેબ્રુઆરી સુધી કરશે વિદેશ પ્રવાસ, મ્યુનિક સુરક્ષા પરિષદ અને EU મંત્રી સ્તરીય ફોરમમાં લેશે ભાગ