Breaking News: ભારતના હવે આ બે પડોશી દેશ વચ્ચે ‘યુદ્ધ’ ફાટી નીકળ્યું, સરહદ પર ભારે ગોળીબાર, રાજદૂતને પાછા બોલાવાયા

ભારત-પાકિસ્તાન તણાવ અને મ્યાનમારમાં ચાલી રહેલા ગૃહયુદ્ધ વચ્ચે, બે વધુ એશિયન દેશો વચ્ચે યુદ્ધ ફાટી નીકળ્યું છે. ભારતના આ પડોશી દેશો થાઈલેન્ડ અને કંબોડિયા છે. થાઈલેન્ડ અને કંબોડિયાની સરહદ પર બન્ને દેશની સેના એકબીજા સામે સામે અથડાઈ છે. ગુરુવારે, સરહદ પર બંને દેશોના સૈનિકો વચ્ચે અથડામણ થઈ હતી. થાઈ સેના અને કંબોડિયાના સંરક્ષણ મંત્રાલયે કહ્યું છે કે આ અથડામણ પ્રસાત તા મુએન થોમ નજીક સરહદ પર થઈ હતી.

પ્રસાત તા મુએન થોમ થાઈલેન્ડના ઉત્તરપૂર્વીય સુરીન પ્રાંતમાં સ્થિત છે, જેના પર કંબોડિયા દાવો કરે છે. આવી સ્થિતિમાં, આ વિસ્તાર બંને દેશો વચ્ચે વિવાદનો વિષય છે. આ વિસ્તારમાં પણ તાજેતરનો વિવાદ થયો છે. આ અથડામણમાં ઓછામાં ઓછા બે સૈનિકો ઘાયલ થયા છે, જેના કારણે બંને પડોશીઓ વચ્ચે તણાવ વધુ વધ્યો છે. લેન્ડમાઈન વિસ્ફોટ બાદ થાઈલેન્ડે કંબોડિયાના રાજદૂતને હાંકી કાઢ્યા બાદ આ અથડામણ થઈ છે.

રાજદૂતને પાછા બોલાવાયા

થાઈ સેનાએ કહ્યું કે કંબોડિયન સેનાએ પહેલા ગોળીબાર કર્યો જ્યારે એક ડ્રોન દેખાયો અને 6 સશસ્ત્ર કંબોડિયન સૈનિકો થાઈ લશ્કરી ચોકી પાસે પહોંચ્યા. જવાબમાં, કંબોડિયાએ રાજદ્વારી સંબંધો ઘટાડ્યા અને બેંગકોકથી તેના રાજદ્વારીઓને પાછા બોલાવ્યા.

બંને દેશો વચ્ચે સરહદી ગતિરોધ મેના અંતમાં શરૂ થયો જ્યારે વિવાદિત વિસ્તારમાં ગોળીબારમાં એક કંબોડિયન સૈનિકનું મોત થયું. ત્યારથી, તણાવ ચાલુ છે અને બંને પક્ષોએ સરહદ પર વધુ સૈનિકો તૈનાત કર્યા છે. વેપાર માટેના મહત્વપૂર્ણ માર્ગો પણ બંધ કરવામાં આવ્યા છે.

એકબીજા પર આરોપો

બંને દેશો એકબીજા પર દોષ ઠાલવી રહ્યા છે. થાઈ સેનાએ દાવો કર્યો હતો કે વિવાદિત મોઆન થોમ મંદિર નજીક એક સર્વેલન્સ ડ્રોન તૈનાત કર્યા પછી અને ભારે સશસ્ત્ર સૈનિકોને વિસ્તારમાં મોકલ્યા પછી કંબોડિયન સેનાએ ગોળીબાર કર્યો હતો. બીજી તરફ, કંબોડિયાના સંરક્ષણ મંત્રાલયે થાઈ સૈનિકો પર ઉશ્કેરણી વિના ઘુસણખોરી કરવાનો આરોપ લગાવ્યો છે.