Lionel Messiની ફેરવેલ મેચ! 6 ઓક્ટોબરે Argentinaની 10 નંબરની જર્સીમાં છેલ્લીવાર મેદાન પર ઉતરશે દિગ્ગજ

Messi Farewell Match: ફૂટબોલના ઇતિહાસમાં લિયોનેલ મેસીનું નામ એક અલગ જ સ્થાન ધરાવે છે. અર્જેન્ટિના માટે વર્ષો સુધી રમ્યા બાદ હવે તેમની રાષ્ટ્રીય ટીમ સાથેની સફર અંતિમ તબક્કામાં પહોંચી ગઈ છે. મેસીને અર્જેન્ટિનાની જર્સીમાં છેલ્લી વખત મેદાન પર જોવા માટે ચાહકોને હવે વધુ રાહ જોવી નહીં પડે. અર્જેન્ટિના ફૂટબોલ એસોસિએશન (AFA)એ 6 ઓક્ટોબરે બેનિન સામે રમાનારી ખાસ ફ્રેન્ડલી મેચ માટે મેસીનો ટીમમાં સમાવેશ કર્યો છે.

6 ઓક્ટોબરે બેનિન સામે ઉતરશે મેસી

અર્જેન્ટિનાની આગામી આંતરરાષ્ટ્રીય મૈત્રીપૂર્ણ શ્રેણીમાં કુલ ત્રણ મુકાબલા રાખવામાં આવ્યા છે. 30 સપ્ટેમ્બરે ટીમ Córdobaમાં Bolivia સામે રમશે. ત્યારબાદ 3 ઓક્ટોબરે બ્યુનોસ એરેસમાં બુર્કિના ફાસો સામે મેચ યોજાશે.

આ બંને મુકાબલા બાદ 6 ઓક્ટોબરે અર્જેન્ટિના અને બેનિન વચ્ચે ટક્કર થશે. આ મેચ માટે મેસી ઉપરાંત રોડ્રિગો ડી પોલ અને જિયોવાની લો સેલ્સો જેવા ખેલાડીઓને પણ ટીમ સાથે જોડાવાની મંજૂરી આપવામાં આવી છે.

મેસીને ખાસ કરીને 6 ઓક્ટોબરના મુકાબલા માટે સામેલ કરવામાં આવ્યો છે. એટલે ફ્રેન્ડલી સિરીઝ ની શરૂઆતની બે મેચમાં તેમની હાજરી જોવા મળવાની શક્યતા નથી. બેનિન સામેની મેચને તેમની અર્જેન્ટિના માટેની અંતિમ હાજરી તરીકે નક્કી કરવામાં આવી છે.

અર્જેન્ટિના માટે મેસીની સફર કેવી રહી?

મેસીએ નાની ઉંમરે અર્જેન્ટિનાની સિનિયર ટીમમાં પ્રવેશ કર્યો હતો. ત્યારથી તેમણે રાષ્ટ્રીય ટીમ માટે સતત બે દાયકાથી વધુ સમય સુધી રમ્યું. તેમની શરૂઆતની આંતરરાષ્ટ્રીય સફરમાં કેટલીક મોટી ટૂર્નામેન્ટની Finalમાં પહોંચ્યા બાદ પણ ટ્રોફી હાથમાં આવી શકી નહોતી.

પરંતુ સમય સાથે મેસી અને અર્જેન્ટિનાની ટીમે પરિસ્થિતિ બદલી નાખી. 2021માં અર્જેન્ટિના એ Copa América જીતીને લાંબા સમય બાદ મોટી આંતરરાષ્ટ્રીય ટ્રોફી પોતાના નામે કરી. ત્યારબાદ 2022માં Qatarમાં યોજાયેલા FIFA World Cupમાં મેસીની આગેવાની હેઠળ અર્જેન્ટિનાએ ચેમ્પિયન બનવાની સિદ્ધિ મેળવી.

World Cupની આ જીત મેસીના કરિયરની સૌથી યાદગાર ઉપલબ્ધિઓમાંની એક બની. FIFAના આંકડા અનુસાર અર્જેન્ટિના માટે મેસીએ 200થી વધુ મેચમાં 100થી વધારે ગોલ નોંધાવ્યા છે, જે તેમની લાંબી અને સફળ આંતરરાષ્ટ્રીય કારકિર્દીનો પુરાવો છે.

2026 World Cup બાદ લીધો નિવૃત્તિનો નિર્ણય

મેસી 2026 World Cupમાં પણ અર્જેન્ટિનાની ટીમનો ભાગ રહ્યા હતા. ટૂર્નામેન્ટમાં અર્જેન્ટિના એ ફાઇનલ સુધીનો પ્રવાસ કર્યો હતો, જોકે અંતિમ મુકાબલામાં સ્પેન સામે ટીમને 1-0થી પરાજયનો સામનો કરવો પડ્યો.

આ ટૂર્નામેન્ટ બાદ મેસીએ અર્જેન્ટિના ની નેશનલ ટીમ સાથે પોતાની સફર આગળ ન વધારવાનો નિર્ણય જાહેર કર્યો. તેમ છતાં, AFA તરફથી તેમને દેશની જર્સીમાં એક અંતિમ મેચ રમવાની તક આપવામાં આવી છે.

આ જ કારણસર 6 ઓક્ટોબરની બેનિન સામેની મેચને ખાસ મહત્વ મળી રહ્યું છે.

મોન્યુમેન્ટલ સ્ટેડિયમ બનશે ફેરવેલનું સ્થળ

મેસીની અંતિમ અર્જેન્ટિના  મેચ માટે બ્યુનોસ એરેસના મોન્યુમેન્ટલ સ્ટેડિયમને પસંદ કરવામાં આવ્યું છે. અર્જેન્ટિના ફૂટબોલ માટે આ સ્ટેડિયમનું પોતાનું આગવું મહત્વ છે. પોતાના દેશના ચાહકોની સામે મેસીને છેલ્લીવાર આર્જેન્ટિનાની જર્સીમાં રમતા જોવાનો પ્રસંગ સ્થાનિક ફેન્સ માટે યાદગાર બની શકે છે.

મેસીના કરિયરમાં અનેક ઉતાર-ચઢાવ

અર્જેન્ટિના માટે રમતી વખતે મેસીએ માત્ર જીત જ જોઈ નથી. તેમની આંતરરાષ્ટ્રીય કારકિર્દીમાં પરાજય અને નિરાશાના અનેક તબક્કા પણ આવ્યા હતા. ખાસ કરીને મોટી ફાઇનલ માં મળેલી હાર બાદ તેમના પર ભારે દબાણ રહ્યું હતું.

પરંતુ મેસીએ ટીમ સાથે જોડાયેલા રહીને પોતાનું પ્રદર્શન ચાલુ રાખ્યું. અંતે 2021ની Copa América જીતથી સ્થિતિ બદલાઈ અને ત્યારબાદ 2022ની World Cup Trophyએ તેમની આંતરરાષ્ટ્રીય કારકિર્દીને એક ઐતિહાસિક ઊંચાઈ આપી.

અર્જેન્ટિના સાથે મેસીની સફરમાં તેમની વ્યક્તિગત સિદ્ધિઓ પણ નોંધપાત્ર રહી છે. ગોલ, મેચ અને મહત્વપૂર્ણ મુકાબલામાં કરેલા પ્રદર્શનના કારણે તેઓ દેશના સૌથી સફળ ફૂટબોલરોમાં સ્થાન મેળવી ચૂક્યા છે.

મેસીની જર્સીમાં છેલ્લો અધ્યાય

6 ઓક્ટોબરની મેચ જેમ જેમ નજીક આવી રહી છે તેમ તેમ ફૂટબોલ ચાહકોમાં ઉત્સુકતા વધી રહી છે. અર્જેન્ટિના ની જર્સીમાં મેસીને છેલ્લીવાર મેદાન પર જોવા મળવાની સંભાવના આ મેચને ખાસ બનાવે છે.

આ મુકાબલામાં પરિણામ કરતાં વધુ ચર્ચા મેસીના Farewellની રહેશે. જે ખેલાડીએ અર્જેન્ટિના ને અનેક મહત્વપૂર્ણ મેચોમાં જીત અપાવવામાં મદદ કરી, World Cup Trophy સુધી પહોંચાડ્યું અને વર્ષો સુધી ટીમના નંબર 10 તરીકે પોતાની ઓળખ બનાવી, તે હવે રાષ્ટ્રીય ટીમને અલવિદા કહેવા જઈ રહ્યો છે.

આ પણ વાંચો: Messi and Antonela Love Story: બાળપણમાં આર્જેન્ટિનાના રોઝારિયોની ગલીઓમાંથી શરૂ થયેલી પ્રેમકથા, વિશ્વ સુધી કેવી રીતે પહોંચી?