ગુજરાત ભાજપમાં ભડકો, સિટીંગ સાંસદ દેવજી ફતેપરાને ટિકિટ ન અપાતા શરૂ થયો વિરોધનો સૂર, પાર્ટી છોડવા અંગે લઈ શકે છે નિર્ણય

સુરેન્દ્રનગરમાં ભાજપમાંથી દેવજી ફતેપરાની ટિકિટ કપાઈ છે. ભાજપે દેવજી ફતેપરાના બદલે મહેન્દ્ર મુંજપરાને ટિકિટ આપી છે. ટિકિટ કપાતા દેવજી ફતેપરામાં ભારે રોષ ફેલાયો છે. નારાજ દેવજી ફતેપરાએ ચીમકી ઉચ્ચારી છે કે જરૂર પડશે તો તેઓ પક્ષ સાથે પણ છેડો ફાડી દેશે.

તો ટિકિટ કપાવા પાછળ દેવજી ફતેપરાએ ધારાસભ્ય ધનજી પટેલ અને જયંતિ કવાડિયાને જવાબદાર ઠેરવ્યા છે. તેમને આક્ષેપ કર્યો છે કે આ બંનેના લીધે જ તેમની ટિકિટ કપાઈ છે. નારાજ દેવજી ફતેપરાએ એવું કહ્યું છે કે ટૂંક સમયમાં તેઓ સમાજના આગેવાનો સાથે બેઠક કરશે અને ત્યારબાદ તેઓ આગામી રણનીતિ અંગે નિર્ણય લેશે.

સુરેન્દ્રનગરના સાંસદ દેવજી ફતેપરાની ટિકિટ કપાતા અસંતોષ જોવા મળ્યો છે. દેવજી ફતેપરાએ ટિકિટ કપાતા વિરોધનો સૂર ઉઠાવ્યો હતો. જો કે આજે જ્યારે મિડીયા તેની સાથે વાતચીત કરવા માટે રાજકોટ સ્થિત નિવાસસ્થાને પહોંચ્યુ હતુ ત્યા તેઓ મીડિયા સાથે વાતચીત કરવા માટે તૈયાર થયા ન હતા.

આ પણ વાંચો : રાહુલ ગાંધીની લોકપ્રિયતા પર કોંગ્રેસના નેતાએ જ ઉઠાવ્યો સવાલ, પ્રિયંકા વાડ્રાને લઈને આપ્યું મહત્વનું નિવદેન

પરિવારજનોએ પહેલા તો દેવજીભાઇ ઘરે હાજર નથી તેવું જણાવ્યું હતું, જો કે બાદમાં તેઓ સુરેન્દ્રનગર નિવેદન આપશે તેવું જણાવ્યુ હતું. મહત્વનું છે કે દેવજી ફતેપરાની સ્થાનિક સ્તરે નારાજગી હતી એટલુ જ નહિ વિધાનસભાની ચૂંટણીમાં નિષ્ક્રિયતા અને વિવાદોને કારણે તેની ટિકિટ કપાય તેવી પૂરેપૂરી શક્યતા હતી જેના કારણે ટિકીટ કપાતા તેઓ બળવાના સૂર કર્યા હતા. જે બાદ વિવાદ થયો હતો. જો કે મિડીયા તેમની પાસે પહોંચતા બોલવાનું ટાળ્યુ હતું.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]