GUJARAT : રાજ્યમાં 1.75 લાખ લોકોનું રસીકરણ થયું, રસી લેનારાઓની કુલ સંખ્યા 3.18 કરોડ થઇ

GUJARAT : રાજ્યમાં રસીકરણ (Vaccination in Gujarat)ની વાત કરીએ તો રાજ્યમાં રસીકરણની કામગીરી ફરી એકવાર મંદ પડી છે. ગઈકાલે 26 જુલાઈએ માત્ર 1 લાખ 75 હજાર લોકોનું રસીકરણ કરાયું.અમદાવાદમાં માત્ર 11,705 લોકોએ રસી મુકાવી.તો સુરતમાં 15 હજાર લોકોએ રસી મુકાવી જ્યારે વડોદરામાં 19 હજાર અને રાજકોટમાં 5 હજાર 424 લોકોને રસી અપાઇ.રાજ્યમાં રસી લેનારાઓની કુલ સંખ્યા 3.18 કરોડ થઇ છે. રાજ્યમાં કુલ 4.93 કરોડ નાગરીકો પૈકી 2 કરોડ નાગરીકોને પ્રથમ ડોઝ આપી દેવાયો છે. આ સાથે કોરોના રસી લેનારાઓન સંખ્યા 3.18 કરોડ થઇ છે. રાજ્યના 8 મહાનગરોમાં 70 ટકા નાગરીકોને રસીનો પ્રથમ ડોઝ અપાયો છે.