JUNAGADH : ગીરના જંગલમાં સિંહનો શિકાર કરતી ટોળકી ઝડપાઈ છે. વનવિભાગે શિકાર કરતી વખતે ઈજા પામેલા એક શખ્સને ઝડપી પાડ્યો છે. શિકારી ટોળકીએ બીછાવેલી જાળમાં એક સિંહ બાળ ફસાયું હતું. જોકે વનવિભાગે તેને છોડાવી લીધુ છે. આ દરમિયાન સિંહણે એક શિકારી ટોળકીના એક શખ્સ પર હુમલો કર્યો હતો. જેને વનવિભાગે ઝડપી લીધો છે. શિકારી ટોળકીના શખ્સો સ્થાનિક રહેવાસી હોવાનું સામે આવ્યું છે. એટલું જ નહીં ટોળકીમાં 10થી વધુ લોકો સામેલ હોવાની શક્યતા છે.