Petrol Diesel Price Today : તો વિશ્વભરમાં કાળા સોનાની કટોકટી સર્જાશે!!! જાણો પેટ્રોલ – ડીઝલના ભાવ

અમેરિકાએ કહ્યું છે કે રશિયા યુક્રેન પર આક્રમણ કરી શકે છે. તે સ્થિતિમાં અમેરિકા અને યુરોપિયન દેશો રશિયા પર પ્રતિબંધો લાદી શકે છે. પ્રતિબંધ પહેલા જ બજાર વિશ્વના ટોચના ઉત્પાદકોની નિકાસમાં અવરોધ ઊભો કરશે. આનાથી ક્રૂડ ઓઈલના ભાવ 100 ડોલર પ્રતિ બેરલથી ઉપર જશે.

ક્રૂડ ઓઈલ 150 ડોલર પ્રતિ બેરલ સુધી જઈ શકે છે

રશિયા ઊર્જા બજારમાં મુખ્ય ભૂમિકા ભજવે છે. રશિયા યુરોપિયન દેશોને કુદરતી ગેસનો સૌથી મોટો સપ્લાયર છે. સાઉદી અરેબિયા સાથે પણ તેના સારા સંબંધો છે. સાઉદી અરેબિયા તેલ ઉત્પાદક રાષ્ટ્રનો અગ્રેસર છે. આ સ્થિતિમાં રશિયા ઇચ્છે તો સમગ્ર વિશ્વમાં ઊર્જા સંકટ વધારી શકે છે. ગોલ્ડમેન સૅક્સના જણાવ્યા અનુસાર 2022માં ક્રૂડ ઓઈલના ભાવ 100 ડૉલર પ્રતિ બેરલને સ્પર્શી શકે છે.બીજી તરફ JPMorgan એ આગાહી કરી છે કે 2022માં કિંમત 125 ડૉલર પ્રતિ બેરલ અને 2023માં 150 ડૉલર પ્રતિ બેરલને સ્પર્શશે.

ભારતમાં પેટ્રોલ અને ડીઝલ મોંઘુ થશે

ક્રૂડ ઓઈલની વધતી કિંમતો હવે માત્ર ભારત જ નહીં પરંતુ પાકિસ્તાન પર પણ મોટી અસર કરશે. 4 નવેમ્બર, 2021થી ભારતમાં પેટ્રોલ અને ડીઝલના ભાવમાં કોઈ ફેરફાર થયો નથી. સરકારના દબાણને કારણે રાજ્યની ઓઈલ કંપનીઓ ક્રૂડ ઓઈલના ભાવમાં વધારો થવા છતાં પેટ્રોલ અને ડીઝલના ભાવમાં વધારો કરી રહી નથી. પરંતુ ચૂંટણી પછી તેઓ ખાધને પૂરી કરવા માટે ભાવ વધારી શકે છે.

ભારત મોટાભાગનું તેલ આયાત કરે છે. ક્રૂડ ઓઈલના ભાવમાં વધારાથી ભારતમાં પેટ્રોલ અને ડીઝલના ભાવમાં વધારો થશે. બીજી તરફ ક્રૂડ ઓઈલમાં વધારાથી રાજકોષીય ખાધ વધશે.

•  દિલ્હીમાં પેટ્રોલ રૂ. 95.41 અને ડીઝલ રૂ. 86.67 પ્રતિ લીટર
•  મુંબઈમાં પેટ્રોલ રૂ. 109.98 અને ડીઝલ રૂ. 94.14 પ્રતિ લીટર
•  ચેન્નાઈ પેટ્રોલ રૂ. 101.40 અને ડીઝલ રૂ. 91.43 પ્રતિ લીટર
•  કોલકાતા પેટ્રોલ રૂ. 104.67 અને ડીઝલ રૂ. 89.79 પ્રતિ લીટર

ગુજરાતમાં(Petrol-Diesel Price Today in Gujarat) ગાંધીનગરમાં એક લીટર પેટ્રોલ 95.35 રૂપિયા પ્રતિ લીટર વેચાઈ રહ્યું છે જયારે પેટ્રોલની કિંમત 89.33 રૂપિયા પ્રતિ લીટર છે. દેશમાં સૌથી મોંઘુ ઇંધણ રાજસ્થાન શ્રીગંગાનગર માંછે જ્યાં પેટ્રોલ 116.34 રૂપિયા પ્રતિ લીટર અને ડીઝલ 100.53 રૂપિયા પ્રતિ લીટર વેચાઈ રહ્યું છે.

ગુજરાતના ચાર મહાનગરોમાં પેટ્રોલ – ડીઝલના  રેટ આ મુજબ છે

દેશના મુખ્ય શહેરમાં પેટ્રોલ – ડીઝલના લેટેસ્ટ ભાવ જાણવા અહીં ક્લિક કરો

આ રીતે જાણો તમારા શહેરમાં પેટ્રોલ-ડીઝલની કિંમત

પેટ્રોલ-ડીઝલના છૂટક ભાવમાં દરરોજ સુધારો કરવામાં આવે છે અને તે પછી નવા ભાવ સવારે 6 વાગ્યે બહાર પાડવામાં આવે છે. તમે ઘરે બેઠા SMS દ્વારા જ તમારા નજીકના પેટ્રોલ પંપ પર પેટ્રોલ-ડીઝલની કિંમત જાણી શકો છો. ઇન્ડિયન ઓઇલ ગ્રાહકો RSP સાથે સિટી કોડ દાખલ કરીને તેમના મોબાઇલ પરથી 9224992249 પર સંદેશ મોકલો. તમને ઇન્ડિયન ઓઇલ (IOCL) ની સત્તાવાર વેબસાઇટ પર સિટી કોડ મળશે. મેસેજ મોકલ્યા બાદ તમને પેટ્રોલ અને ડીઝલની નવીનતમ કિંમત મોકલવામાં આવશે. એ જ રીતે બીપીસીએલ(BPCL) ગ્રાહકો તેમના મોબાઇલ પરથી આરએસપી લખીને 9223112222 પર એસએમએસ મોકલી શકે છે. HPCL ના ગ્રાહકો HPPrice અને 9222201122 લખીને SMS મોકલી શકે છે.

આ પણ વાંચો : PM Kisan Samman Nidhi Yojana: એક પરિવારના કેટલા સભ્યોને આ યોજનાનો લાભ મળી શકે ? જાણો 5 મહત્વપૂર્ણ અપડેટ

આ પણ વાંચો : Share Market Crash : દેશના સૌથી મોટા કૌભાંડની અસર બજાર ઉપર પડી, Nifty Bank ઇન્ડેક્સ 1000 અંક તૂટ્યો