Petrol Diesel Price Today : ક્રૂડ ઓઈલની કિંમત 90 ડોલરને પાર પહોંચી, જાણો આજે પેટ્રોલ – ડીઝલનો શું જાહેર થયો ભાવ?
ગુજરાતમાં(Petrol-Diesel Price Today in Gujarat) ગાંધીનગરમાં એક લીટર પેટ્રોલ 95.35 રૂપિયા પ્રતિ લીટર વેચાઈ રહ્યું છે જયારે પેટ્રોલની કિંમત 89.33 રૂપિયા પ્રતિ લીટર છે.
Petrol Diesel Price Today : Petrol Diesel Price Today :આંતર રાષ્ટ્રીય બજારમાં ક્રૂડ ઓઈલની કિંમત આખરે 90 ડોલરને પાર કરી ગઈ છે. છેલ્લા ઘણા દિવસોથી ક્રૂડ ઓઈલની કિંમત 90 ડોલરની ખૂબ જ નજીક જઈ રહી હતી પરંતુ તે 90 ડોલરના આંકડાને સ્પર્શી શકી ન હતી. જો કે આજે કિંમત 90 ડૉલરના આંકડાને સ્પર્શી છે. આ દરમિયાન દેશભરમાં પેટ્રોલ અને ડીઝલના નવા ભાવ પણ જાહેર કરવામાં આવ્યા છે. આજે પણ પેટ્રોલ અને ડીઝલની કિંમતો એટલે કે ઈંધણની કિંમતોમાં કોઈ ફેરફાર થયો નથી. ઉલ્લેખનીય છે કે દેશમાં પેટ્રોલ અને ડીઝલના ભાવમાં કોઈ ફેરફાર થયાને 87 દિવસ થઈ ગયા છે. દેશભરમાં 87 દિવસથી પેટ્રોલ અને ડીઝલના ભાવમાં ઘટાડો કે વધારો થયો નથી.
ક્રૂડ ઓઈલના ભાવ 90 ડોલરને પાર
આંતરરાષ્ટ્રીય બજારમાં ક્રૂડ ઓઈલના ભાવમાં સતત વધારો થઈ રહ્યો છે. શનિવારે પણ કાચા તેલની કિંમતો વધી રહી છે. આ દરમિયાન ક્રૂડ ઓઈલના ભાવ 90ના આંકને પાર કરી ગયા છે. oilprice.com અનુસાર 29 જાન્યુઆરી શનિવારના રોજ પણ ક્રૂડ ઓઇલની કિંમતો વધી છે.
આજે WTI ક્રૂડ 0.24 ટકા વધીને 86.82 ડોલર પર પહોંચી ગયું છે. શુક્રવારે તેની કિંમત 87.05 ડોલર અને ગુરુવારે 86.77 ડોલર હતી.
બ્રેન્ટ ક્રૂડના ભાવમાં આજે પણ જોરદાર વધારો જોવા મળી રહ્યો છે. બ્રેન્ટ ક્રૂડ પણ આજે 0.77 ટકા વધીને 90.03 ડોલર પર પહોંચી ગયું છે. શુક્રવારે તેની કિંમત 89.69 ડોલર અને ગુરુવારે 89.35 ડોલર હતી.
બીજી તરફ ભારતમાં ક્રૂડ ઓઈલની વધતી કિંમતોની પેટ્રોલ-ડીઝલની કિંમતો પર કોઈ અસર જોવા મળી રહી નથી. એક તરફ ક્રૂડ ઓઈલના ભાવ દિનપ્રતિદિન વધી રહ્યા છે તો બીજી તરફ દેશભરમાં પેટ્રોલ-ડીઝલના ભાવ 87 દિવસથી સ્થિર છે.
દેશના ચાર મહાનગરોમાં પેટ્રોલ ડીઝલની કિંમત
- દિલ્હીમાં પેટ્રોલ રૂ. 95.41 અને ડીઝલ રૂ. 86.67 પ્રતિ લીટર
- મુંબઈમાં પેટ્રોલ રૂ. 109.98 અને ડીઝલ રૂ. 94.14 પ્રતિ લીટર
- ચેન્નાઈ પેટ્રોલ રૂ. 101.40 અને ડીઝલ રૂ. 91.43 પ્રતિ લીટર
- કોલકાતા પેટ્રોલ રૂ. 104.67 અને ડીઝલ રૂ. 89.79 પ્રતિ લીટર
ગુજરાતમાં(Petrol-Diesel Price Today in Gujarat) ગાંધીનગરમાં એક લીટર પેટ્રોલ 95.35 રૂપિયા પ્રતિ લીટર વેચાઈ રહ્યું છે જયારે પેટ્રોલની કિંમત 89.33 રૂપિયા પ્રતિ લીટર છે. દેશમાં સૌથી મોંઘુ ઇંધણ રાજસ્થાન શ્રીગંગાનગર માંછે જ્યાં પેટ્રોલ 116.34 રૂપિયા પ્રતિ લીટર અને ડીઝલ 100.53 રૂપિયા પ્રતિ લીટર વેચાઈ રહ્યું છે.
ગુજરાતના ચાર મહાનગરોમાં પેટ્રોલ – ડીઝલના રેટ આ મુજબ છે
| City | Petrol | Diesel |
| Ahmedabad | 95.13 | 89.12 |
| Rajkot | 94.89 | 88.89 |
| Surat | 94.98 | 88.99 |
| Vadodara | 94.78 | 88.76 |
દેશના મુખ્ય શહેરમાં પેટ્રોલ – ડીઝલના લેટેસ્ટ ભાવ જાણવા અહીં ક્લિક કરો
આ રીતે જાણો તમારા શહેરમાં પેટ્રોલ-ડીઝલની કિંમત
પેટ્રોલ-ડીઝલના છૂટક ભાવમાં દરરોજ સુધારો કરવામાં આવે છે અને તે પછી નવા ભાવ સવારે 6 વાગ્યે બહાર પાડવામાં આવે છે. તમે ઘરે બેઠા SMS દ્વારા જ તમારા નજીકના પેટ્રોલ પંપ પર પેટ્રોલ-ડીઝલની કિંમત જાણી શકો છો. ઇન્ડિયન ઓઇલ ગ્રાહકો RSP સાથે સિટી કોડ દાખલ કરીને તેમના મોબાઇલ પરથી 9224992249 પર સંદેશ મોકલો. તમને ઇન્ડિયન ઓઇલ (IOCL) ની સત્તાવાર વેબસાઇટ પર સિટી કોડ મળશે. મેસેજ મોકલ્યા બાદ તમને પેટ્રોલ અને ડીઝલની નવીનતમ કિંમત મોકલવામાં આવશે. એ જ રીતે બીપીસીએલ(BPCL) ગ્રાહકો તેમના મોબાઇલ પરથી આરએસપી લખીને 9223112222 પર એસએમએસ મોકલી શકે છે. HPCL ના ગ્રાહકો HPPrice અને 9222201122 લખીને SMS મોકલી શકે છે.
આ પણ વાંચો : Dollar vs Rupee : ડોલર સામે રૂપિયો સહેજ મજબૂત થયો, આંતરરાષ્ટ્રીય બજાર અંગે નિષ્ણાંતોનું શું છે અનુમાન?
આ પણ વાંચો : Dr V Anantha Nageswaran એ મુખ્ય આર્થિક સલાહકાર તરીકેનો કાર્યભાર સંભાળ્યો, અમદાવાદ સાથે ધરાવે છે આ વિશેષ સંબંધ
