વડાપ્રધાન નરેન્દ્ર મોદી બે દિવસની ગુજરાતની મુલાકાતે છે. તેમના ગુજરાત પ્રવાસના બીજા દિવસે પીએમ મોદી ગુજરાતને અનેક વિકાસકામોની ભેટ સોગાદો આપશે. અંદાજિત 8000 કરોડના પ્રોજેક્ટ્સનું પીએમ મોદી લોકાર્પણ તેમજ ખાતમૂહુર્ત કરશે. આ દરમિયાન પીએમ મોદી અમદાવાદથી ગાંધીનગર વચ્ચે શરૂ થનારી નવનિર્મિત પ્રથમ મેટ્રો રેલ સેવાનો પણ પ્રારંભ કરાવશે. મોટેરાથી મહાત્મા મંદિર ને જોડતા મેટ્રો રેલ ફેઝ-2 મેટ્રોને વડાપ્રધાન મોદી લીલી ઝંડી ફરકાવી શુભારંભ કરાવશે. આ દરમિયાન પીએમ મોદી પણ પણ આ મેટ્રોની સફર કરશે. પીએમ મોદી સેક્ટર 1 થી ગિફ્ટ સિટી સુધી મેટ્રો ટ્રેનમાં સફર કરશે. ગિફ્ટ સિટીમાં બેન્કિંગ અને ફાઈનાન્સ કંપનીના વડાઓ અને CEO સાથે પીએમ મોદીની ચર્ચા બેઠક યોજાશે.
અમદાવાદથી ગાંધીનગર વચ્ચે દોડનારી આ મેટ્રો ટ્રેનનું ભાડુ માત્ર 35 રૂપિયા રહેશે અને 33.5 કિલોમીટરનુ અંતર માત્ર 65 મિનિટમાં પૂરુ થશે. મેટ્રો ટ્રેનનું સમગ્ર નેટવર્ક હવે 60 કિલોમીટરનુ છે. ફેઝ-1 માં ઈસ્ટ-વેસ્ટ કોરિડોર, નોર્થ-સાઉથ કોરિડોર મળી 40 કિલોમીટરનો રૂટ વચ્ચે મેટ્રો શરૂ થઈ ગઈ છે. જ્યારે ફેઝ- 2માં મોટેરાથી સેક્ટર 1 સુધીના 20 કિમીથી વધુના રૂટનો આજથી શુભારંભ થઈ રહ્યો છે.
Published On - 1:21 pm, Mon, 16 September 24