સાબરકાંઠા જિલ્લાના પોશીના વિસ્તારમાં વરસાદને લઈ રાહત સર્જાઈ હતી. ગુરુવારે સાંજે પોશીના વિસ્તારમાં વરસાદ વરસ્યો હતો. સાંજના ચાર કલાકના અરસા દરમિયાન પોણા બે ઈંચ કરતા વધુ વરસાદ વરસ્યો હતો. વરસાદને લઈ પોશીનાના રસ્તાઓ પર વરસાદી પાણી વહ્યા હતા. ચોમાસાનો માહોલ જામ્યો હોય એમ પોશીના વિસ્તારમાં ધોધમાર વરસાદને લઈ સ્થાનિકોમાં આનંદ વ્યાપ્યો હતો.
પોશીના અને આસપાસના વિસ્તારમાં પણ સારો વરસાદ નોંધાયો હતો. આ ઉપરાંતા ગુરુવારે ખેડબ્રહ્મા, વિજયનગર અને વડાલી તેમજ ઈડર પંથકમાં પણ હળવો વરસાદ નોંધાયો હતો. છેલ્લા કેટલાક દિવસથી વિસ્તારમાં અસહ્ય બાફ અને ઉકળાટનો અનુભવ થઈ રહ્યો છે અને વરસાદ વરસવાને લઈ રાહત સર્જાઈ હતી.
ગુજરાતના તમામ જિલ્લાના સમાચાર વાંચવા માટે અહીં ક્લિક કરો