Cyclone Biporjoy : બિપરજોયના કહેરની કચ્છમાં શરૂઆત થઈ ગઈ છે. તોફાની પવન સાથે અહીં ધોધમાર વરસાદ (heavy rain) વરસી રહ્યો છે. ત્યારે મોરબીમાં પણ વાવાઝોડાની અસર જોવા મળી. અહીં ભારે પવનના કારણે અનેક જગ્યાએ વીજપોલ ધરાશાયી થયા છે. જેના કારણે અનેક ગામડાઓમાં વીજ પુરવઠો ખોરવાયો છે. વીજ પુરવઠો ફરી શરૂ કરવા માટે કામગીરી શરૂ કરવામાં આવી છે. મોરબી જિલ્લાની વાત કરવામાં આવે તો ભારે પવનને પગલે ખુબજ નુકસાન થયું છે. જિલ્લામાં 153 જેટલા વીજપોલ ધરાશાયી થયા છે તો બીજી તરફ 34 જેટલા વીજપોલને ફરી કાર્યરત કરવામાં આવ્યા. 32 ગામમાં વીજ પુરવઠો ખોરવાયો છે.
બિપરજોય વાવાઝોડું ગુજરાતના કાંઠા નજીક છે. જો કે તોફાન ટકરાય તે પહેલા સમગ્ર ગુજરાતે વાવાઝોડાનું ટ્રેલર જોઈ લીધુ છે. રાજ્યના 1600 કિલોમીટરના દરિયાકાંઠા પર તેની અસર દેખાવા લાગી છે. દરિયાકાંઠા વિસ્તારમાં અતિભારે પવન ફૂંકાવાને કારણે અનેક સ્થળો પર વૃક્ષો, વીજપોલ અને શેડ ધરાશાયી થયાં છે. ઓખામાં દરિયો તોફાની બનતાં કાંઠા પરની દીવાલ તૂટી ગઈ હતી. ઓખાના દરિયાકાંઠે ભારે પવન ફૂંકાઈ રહ્યો છે.
બિપરજોય વાવાઝોડાના તાજા સમાચાર વાંચવા માટે અહીં ક્લિક કરો