અમદાવાદમાં પ્રવાસી ગુજરાતી પર્વની બીજી શ્રૂખંલાના બીજા દિવસે કેન્દ્રીય સ્વાસ્થ્ય મંત્રી મનસુખ માંડવીયાએ હાજરી આપી. કાર્યક્રમની પ્રશંસા કરતા વિશ્વના ગુજરાતીઓને એક મંચ પર લાવવાનું કામ કરવા બદલ TV9ની ટીમને અભિનંદન આપ્યા. ત્યા આવેલા દેશ-વિદેશના ડેલિગેટ્સને મળીને ચર્ચા પણ કરી.
મંત્રીએ તેમના વક્તવ્યમાં જણાવ્યું કે, પ્રવાસી ગુજરાતી માટેની આ સમગ્ર ઉજવીમાં વિદેશના લોકોને આ પર્વમાં હાજરી આપી Tv9ના આમંત્રણને માન આપી તેઓ અહીં પહોંચ્યા છે. ગુજરાતીઓ માટે આ કાર્યક્ર્મ આયોજન કરવા બદલ મનસુખ માંડવીયાએ Tv9ના પ્રયાસને બિરદાવ્યો હતો અને આ કાર્યક્રમમાં સહભાગી થવા બદલ આભાર વ્યક્ત કર્યો હતો.
વધુમાં તેમણે કહ્યું, હું વ્યક્તિગત આ કાર્યક્રમમાં વિદેશથી આવેલા લોકોને મળ્યો. અનેક દેશો કોઈક લંડન કોઈક અમેરિકા કોઈક ફિજીથી આવ્યું છે. માંડવીયાએ કહ્યું આ તમામ લોકો પોતે ગુજરાતી છે તેવા ગર્વ સાથે અહી આવી પહોંચ્યા છે.
આ પણ વાંચો : PGP 2024 : શેમારૂના કેતન મારૂએ પ્રવાસી ગુજરાતી પર્વના મંચ પર કર્યો ખુલાસો, કેવી રીતે પડ્યું કંપનીનું નામ