Ahmedabad: ઓનલાઈન ઓર્ડર કરતા થેપલાની ડીશ જેટલા જ કન્ટેનરનો ચાર્જ વસૂલાયો, રેસ્ટોરન્ટની મનમાની, જુઓ Video

અમદાવાદમાં ઓનલાઈન ઓર્ડર કરીને રેસ્ટોરન્ટમાં થી થેપલા મંગાવતા જેટલા રુપિયાની ડીશ એટલા રુપિયા કન્ટેનરના પણ વસુલ કરવામાં આવ્યા છે. જેનુ બીલ સોશિયલ મીડિયા પર શેર કરતા જ મામલો ચર્ચામાં આવ્યો છે. થેપલા જંક્શન દ્વારા આપવામાં આવેલા આ થેપલાનો ચાર્જ 60 રુપિયા બીલમાં દર્શાવ્યો હતો. સાથે જ થેપલાના કન્ટેનરના પણ આટલા જ રુપિયા વસુલવામાં આવ્યા હતા. આમ કન્ટેનરનો ચાર્જ પણ ડીશના જેટલા જ પ્રમાણમાં વસુલવાને મામલો હવે સોશીયલ મીડિયા પર ખૂબ જ ચર્ચામાં છવાયો છે.

ઓફીસમાં કામ કરતી યુવતીએ થેપલા ઓનલાઈન મંગાવ્યા હતા અને તેમને આ પ્રકારનુ બીલ આપવામાં આવ્યુ હતુ. જેને લઈ યુવતીએ ઓનલાઈન ડિલિવરી આપનાર કંપનીએ જવાબ આપ્યો હતો કે, આ જવાબદારી રેસ્ટોરન્ટની છે. ગ્રાહક ખૂશ્બૂએ બતાવ્યુ હતુ કે, આ માટે ડિલિવરી કરનારી કંપનીની પણ કંઈક જવાબદારી હોવી જોઈએ. જોકે હવે થેપલા જંક્શન દ્વારા ટેલીફોનીક રીતે બતાવ્યુ હતુ કે, આ કન્ટેનર ફુડ સેફ્ટી માટે હોય છે અને આ માટે ભાવમાં ઘટાડો કરવામાં આવ્યો છે.