અમદાવાદમાં પ્રથમ વરસાદે જ તંત્રના પ્રિ-મોન્સુન કામગીરીની ખુલી પોલ ખોલી નાખી છે. શહેરના અનેક વિસ્તારોમાં ઠેર-ઠેર પાણી ભરાવવાની સાથે ઘણી જગ્યાઓ પર મસ મોટા ભુવા પડ્યા છે. ત્યારે હાલ મહાનગર પાલિકાએ ભુવાને કોર્ડન કરીને બંધ કર્યા છે પણ આ ભુવા પડવાને કારણે વાહન ચાલકોને મુશ્કેલીનો સામનો કરવો પડી રહ્યો છે.
તમને જણાવી દઈએ કે અમદાવાદના ખોખરા અનુપમ સિનેમા નજીક મોટો ભુવો પડ્યો છે. ત્યારે સર્કલ પાસે જ 6 ફુટનો મોટો ભુવો પડતા વાહનચાલકો પરેશાન થઈ ગયા છે. મહાનગર પાલિકાનાએ ભુવાને કોર્ડન કરી હાલ પુરતો બંધ કર્યો.
અમદાવાદમાં ચોમાસાની શરુઆતની સાથે જ ભુવા પડવાની શરુઆત થઈ ચૂકી છે. ત્યારે અમદાવમાં ગઈકાલે મોડી રાતે અને વહેલી સવારે પડેલા વરસાદમાં અનેક વિસ્તામો ભુવા પડ્યા છે. તેમાં જ ખોખરા અનુપમ સિનેમા નજીક ભુવો પડતા વાહન ચાલકોને હાલાકી પડી રહી છે.
અમદાવાદમાં પહેલો જ વરસાદ પડ્યોને ભુવો પડી ગયા હોવાના વીડિયો સામે આવી રહ્યા છે જેમાં જોઈ શકાય છે અનુપમ વિસ્તારમાં 6 ફુટ ઉંડો ભુવો પડ્યો હતો. ત્યારે આ અંગેની જાણ થતા જ મહાનગર પાલિકાની ટીમ ધ્વારા તેને કોર્ડન કરવાની તૈયારીઓ આરંભી દીધી હતી જે બાદ આ વિસ્તાર પર કોર્ડન બોર્ડ લાગતા મુસાફરોને અવર જવરમાં તકલીફ પડી રહી છે આ સાથે ટ્રાફિકના પણ દ્રશ્યો સર્જાય રહ્યા છે.