દ્વારકામાં દરિયાઈ પટ્ટી આસપાસના વિસ્તારોમાંથી ગેરકાયદે દબાણોનો મોટાપાયે સફાયો બોલાવવામાં આવ્યો હતો. સુરક્ષાના કારણોસર દ્વારકામાં દબાણ હટાવો અભિયાન જોરશોરથી શરૂ થયુ હતુ અને અનધિકૃત દબાણોનો સફાયો કરાયો હતો. ત્યારે ફરી ખંભાળિયા શહેરમાં અનધિકૃત દબાણો પર તંત્રનું બુલડોઝર ફરી વળ્યુ છે અને ગેરકાયદે બાંધકામોને તોડી પાડવામાં આવ્યા છે.
ખંભાળિયામાં દબાણ હટાવ કામગીરી દરમિયાન પૌરાણિક દ્વારકા ગેટ, સલાયા ગેટ, પોર ગેટમાં કાર્યવાહી કરવામાં આવી છે. ગેરકાયદે મકાનો અને દુકાનો તોડી પાડવામાં આવી છે. રાજાશાહી વખતના ગેટને હેરિટેજ લુક આપી વિકાસ કરવામાં આવશે. 60 મીટરના વિસ્તારમાં આવેલા ગેરકાયદે બાંધકાોના દબાણો દૂર કરવામાં આવ્યા છે.
દ્વારકા સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો