Dwarka News : RBIમાં જમા 48 હજાર કરોડ રુપિયા છોડાવાની લાલચે ઠગાઈનો પ્રયાસ ! 2 આરોપીની ધરપકડ, જુઓ Video

રિઝર્વ બેન્કમાં જમા રૂપિયા 48 હજાર કરોડને છોડાવવા તોતિંગ રકમનું કમિશન આપવાની લાલચે ઠગાઈનો પ્રયાસ કરનારની 2 આરોપીની અટકાયત કરવામાં આવી છે. જો સમગ્ર ઘટનાની વાત કરીએ તો ખંભાળિયાના વચલા બારા ગામમા રહેતા એક શખ્સના રૂપિયા 48 હજાર કરોડ રિઝર્વ બેન્કમાં જમા હોવાનું કહ્યું હતું. આ રૂપિયાને છોડાવવા માટે ભરવાના થતા ટેક્સમાં ફંડિંગ બદલ માટે રૂપિયા રોકાણ કરવા 15% કમિશન ટેક્સ ભરવાનું કહી લાલચ 2 આરોપીઓએ આયોજનબદ્ધ રીતે ઠગાઈ પ્લાન બનાવ્યો હતો.

પોલીસે 2 આરોપીની કરી અટકાયત

આરોપીઓએ રૂપિયા 48 હજાર કરોડ જમા રકમને છોડાવવા માટે ટેક્સ ભરનારને ચોક્કસ ટકાવારીનો હિસ્સો અપાશે તેવી અલગ અલગ વ્યક્તિઓ સાથે મિટિંગ ગોઠવી હતી. SOG પોલીસે આ અંગે માહિતી મળતા આરોપી ઋતુરાજસિંહ સોઢા અને અન્ય એક આરોપી માધવ વ્યાસની અટકાયત કરી અન્ય 2 સંડોવાયેલ શખ્સોને ઝડપી પાડવા તજવીજ હાથ ધરી છે.