નર્મદા જિલ્લામાં ASI ધવલભાઈ વાડીલાલ પટેલને લાંચ રુશવત રોધી શાખા એ લાંચની રકમ સ્વીકારતા રંગેહાથ ઝડપી પાડ્યો છે. પોલીસ બેડામાં એકતાનગર પોલીસ સ્ટેશનમાં એ.એસ.આઈ. તરીકે ફરજન બજાવતા ધવલ પટેલની 3000 રૂપિયાની લાંચની રકમ સાથે ધરપકડ કરવામાં આવી છે.
પોલીસકર્મીએ ૩૦૦૦ રૂપિયાની લાંચની રકમની માંગણી કરી હતી જે રકમ તે સ્વીકારતા રંગેહાથ ઝડપાઇ ગયો હતો. એસીબીએ આ રકમ આરોપી પાસેથી રિકવર કરી છે. પ્રતિમા હોટલની બાહર કેવડીયા મેઈન બજારમાં લંચના અખેલને ઝડપી પડાયો હતો. ઘટનાની વિગતો અનુસાર ફરીયાદી અગાઉ આંકડા જુગારના ધંધા કરતા હતા. આ વેપલાના જુના વ્યવહાર બાબતે આ કામના પોલીસકર્મીએ ફોન કરી ૩૦૦૦ ની લાંચની માંગણી કરેલ અને ફરી ધંધો ચાલુ કરવો હોય તો રૂબરૂ મળવા જણાવેલ હતું.આ બાબતે એસીબીનો સંપર્ક કરવામાં આવતા છટકું ગોઠવાયું હતુજેમાં લાંચની રકમ સ્વીકારતા પોલીસકર્મી રંગેહાથ ઝડપાઇ ગયા હતા.
Input Credit : Vishal Pathak, Narmada
ભરૂચ સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો