ગુજરાતમાં અનેક વિકાસના કાર્યો થઈ રહ્યાં છે. ત્યારે કેટલાક નવા હાઈવે બની રહ્યાં છે. જેથી લોકોના સમયનો બગાડ ન થાય. પરંતુ વિકાસ કાર્યો કર્યા પછી સ્થાનિકો માટે વૈકલ્પિક માર્ગ મુકવાનું ભૂલી જતા હોય છે. આવી જ એક ઘટના ગીર સોમનાથ પંથકમાં બની છે. જેના પગલે ગીર સોમનાથ જિલ્લાના સુત્રાપાડા તાલુકાના ખેરા ગામના લોકોએ હાઈ-વે ઓથોરિટી સામે મોરચો માંડ્યો છે. ગ્રામજનોનો આરોપ છે કે જ્યારે હાઇવે રોડ બનતો હતો.
ત્યારે સ્થાનિકોને વિશ્વાસમાં લઈને હાઈ-વે ઓથોરિટી વાળાઓએ અહીંથી સર્વિસ રોડ આપવાની ખાત્રી આપી હતી. પણ જ્યારે હાઇવે નું કામ પૂરું થયું ત્યારે ગ્રામજનોને સર્વિસ રોડ ન મળ્યો. સર્વિસ રોડ ન મળતા ગ્રામજનોમાં રોષ જોવા મળ્યો છે. સ્થાનિકોને પોતાના ઘર સુધી પહોંચવા માટે પણ અનેક મુશ્કેલીનો સામનો કરવો પડે છે. જેના પગલે ગ્રામજનોએ રસ્તા પર રામધૂન બોલાવી વિરોધ નોંધાવ્યો છે.