અરવલ્લી જિલ્લાના મોડાસામાં પાંચ વર્ષની બાળકીને શ્વાને બચકાં ભરી લેવાની ઘટના સામે આવી હતી. હફસાબાદ વિસ્તારમાં ઘર આગળ રમી રહેલી બાળકીને હડકાયા શ્વાને બચકા ભર્યા હતા, જેને લઈ બાળકીને અમદાવાદ ખાતે સારવાર માટે ખસેડવી પડી હતી. પાંચ વર્ષની બાળકી ઘર આગળ રમી રહી હતી એ દરમિયાન શ્વાને બચકાં ભરતા હોઠ અને પગે ઈજાઓ પહોંચી હતી. બાળકીનો હોઠ શ્વાને કરડી ખાતા તેને હવે પ્લાસ્ટિક સર્જરીની જરુરીયાત ઉભી થઈ છે.
હોઠ ઉપર બાળકીને 20 જેટલા ટાંકા લેવામાં આવ્યા છે. આ સિવાય પગે પણ બે જગ્યાએ ઈજા પહોંચતા 18 જેટલા ટાંકા લેવામાં આવ્યા હતા. હોઠ માટે પ્લાસ્ટિક સર્જરી કરવા માટે તજવીજ હાથ ધરી હતી. મોડાસાની વાત કરવામાં આવે તો 106 જેટલા લોકોને શ્વાને બચકાં ભર્યા હોવાના કિસ્સા સામે આવ્યા છે. જ્યારે અરવલ્લી જિલ્લામાં 388 જેટલા કેસ નોંધાયા છે.
Published On - 11:08 pm, Tue, 24 October 23