અમદાવાદઃ ઘાટલોડીયા વિધાનસભા માટે મહેસુલ વિભાગનો મોટો નિર્ણય, દસક્રોઇના પાંચ ગામનો સમાવેશ

રાજ્યમાં ચૂંટણી (Election) પહેલા ઘાટલોડિયા તાલુકામાં દસક્રોઈ તાલુકાના (Daskroi) પાંચ ગામનો સમાવેશ કરવામાં આવ્યો છે. આ નિર્ણય અંતર્ગત દસક્રોઈના લીલાપુર, લપકામણ, ખોડીયાર, બોપલ અને ઘુમા ગામ (Ghuma) ઘાટલોડિયામાં સમાવેશ પામ્યા છે. આ નિર્ણય અંતર્ગત હવે દસક્રોઈ તાલુકાના પાંચ ગામોને પ્રાંત કચેરીના કામ માટે 35 કિલોમીટર દૂર જવું પડશે નહીં અને  તેમના નાણા અને સમયની  બચત થસે. આ નિર્ણય અંતર્ગત હવે આ ગામના લોકોને રેવન્યૂ કામ માટે ગોતાની કચેરીનો ઉપયોગ કરી શકશે.

મુખ્યપ્રધાનના વિસ્તારમાં વહીવટી કામગીરી સરળ બનાવવા લેવાયો નિર્ણય

દસક્રોઈના પાંચ ગામને ઘાટલોડિયામાં  (Ghatlodiya Ward ) સમાવાતા મુખ્ય પ્રધાનના વિસ્તારમાં  વહીવટી કામગીરી સરળ બનશે. તેમજ  લીલાપુર, લપકામણ, ખોડીયાર, બોપલ અને ઘુમા ગામના રહેવાસીઓને  રેવન્યૂ કચેરીના કામ માટે પણ સુવિધા ગોતામાં મળી  રહેશે.