આજનું હવામાન : રાજ્યમાં આગામી દિવસોમાં વર્તાશે ઠંડીનો ચમકારો, અંબાલાલ પટેલે કરી મોટી આગાહી જુઓ Video

હવામાન વિભાગની આગાહી અનુસાર આજે રાજ્યમાં કડકડતી ઠંડી પડવાના એંધાણ છે. આગામી 7 દિવસ સુધી વાતાવરણ શુષ્ક રહે તેવી શક્યતા છે. ઉત્તર પૂર્વના પવનને લીધે ઠંડીનું જોર વધશે. તેમજ અમદાવાદમાં લઘુતમ તાપમાન 17 થી 18 ડિગ્રી રહે તેવી સંભાવના છે. આ ઉપરાંત અનેક જિલ્લામાં તાપમાન 15થી 16 ડિગ્રી નોંધાઈ શકે છે.

હવામાન વિભાગની આગાહી અનુસાર આજે અમદાવાદ, આણંદ, અરવલ્લી, બનાસકાંઠા, છોટાઉદેપુર, ડાંગ, કચ્છ, મોરબી, નર્મદા, સુરેન્દ્રનગર સહિતના જિલ્લાઓમાં 16 ડિગ્રી ન્યૂનતમ તાપમાન રહે તેવી સંભાવના છે. તેમજ ગાંધીનગર, ખેડા, પાટણ, મહેસાણા, સાબરકાંઠા સહિતના જિલ્લાઓમાં 15 ડિગ્રી ન્યૂનતમ તાપમાન રહે તેવી શક્યતા છે. આ તરફ દાહોદ, મહીસાગર સહિતના જિલ્લાઓમાં 14 ડિગ્રી ન્યૂનતમ તાપમાન રહે તેવી સંભાવના છે.

ઠંડી અંગે અંબાલાલ પટેલની મોટી આગાહી

હવામાન નિષ્ણાંત અંબાલાલ પટેલની આગાહી અનુસાર રાજ્યમાં આગામી દિવસોમાં ઠંડીનો ચમકારો વર્તાશે. આગામી 48 કલાકમાં રાજ્યના ઠંડીનો ચમકારો વધશે. રાજ્યના મોટાભાગના વિસ્તારો કડકડતી ઠંડીની આગાહી કરી છે. ઉત્તર ગુજરાત, કચ્છ અને સૌરાષ્ટ્રમાં જોરદાર ઠંડી પડે તેવી સંભાવના છે.

બનાસકાંઠા, સાબરકાંઠા, પંચમહાલમાં કડકડતી ઠંડીની આગાહી કરી છે. કચ્છ અને સૌરાષ્ટ્રના વિસ્તારોમાં જોરદાર ઠંડી પડશે. ઉત્તર ગુજરાતમાં 2 ડિગ્રી ન્યૂનતમ તાપમાન રહેવાની શક્યતા છે. પશ્ચિમ સૌરાષ્ટ્રના મોટાભાગના વિસ્તારોમાં તાપમાન ઘટવાની શક્યતા છે. 21 થી 23 નવેમ્બરમાં ઠંડીનું જોર વધવાની સંભાવના છે.