દ્વારકા અને ઓખા વચ્ચે બનેલો સિગ્નેચર બ્રિજ બનીને તૈયાર થઇ ગયો છે. 25 ફેબ્રુઆરીએ વડાપ્રધાન નરેન્દ્ર મોદીના હસ્તે સિગ્નેચર બ્રિજનું લોકાર્પણ થવાનું છે. જો કે લોકાર્પણ પહેલા જ સિગ્નેચર બ્રિજ પર વાહનોની અવરજવર થતી હોય તેવો એક વીડિયો વાયરલ થઈ રહ્યો છે.
દ્વારકામાં સિગ્નેચર બ્રિજના લોકાર્પણ પહેલા જ તેનો ઉપયોગ થઇ રહ્યો હોય તેવુ જોવા મળી રહ્યુ છે. ઓખા-દ્વારકા વચ્ચે બનેલા બ્રિજ પરથી કાર પસાર થતી જોવા મળી રહી છે. 4 જેટલા લોકો કારમાં સવાર થઇને સિગ્નેચર બ્રિજ પરથી પસાર થયા હતા. 25 ફેબ્રુઆરીએ PM લોકાર્પણ કરે તે પહેલા જ બ્રિજનો ઉપયોગ થતો જોઇને અનેક સવાલો ઊભા થઇ રહ્યા છે.
આ પણ વાંચો-ગુજરાતમાં ફેબ્રુઆરીથી જ શરુ થયો ગરમીનો અહેસાસ, 9 શહેરોમાં તાપમાનનો પારો 34 ડિગ્રીને પાર, જુઓ Video
આ વીડિયોમાં કાર સાથે અન્ય એક ટેમ્પો પણ બ્રિજ પર જોવા મળ્યો. વીડિયો વાયરલ થતા તંત્રની કામગીરી સામે અનેક સવાલ ઉઠ્યા છે. આ અગાઉ પણ એક બાઇક ચાલકનો વીડિયો વાયરલ થયો હતો.
ગુજરાતના તમામ જિલ્લાના સમાચાર વાંચવા માટે અહીં ક્લિક કરો