Surat : માંગરોળ દુષ્કર્મ કેસના ત્રીજા આરોપીની ગુજરાત છોડે તે પહેલા અમદાવાદથી થઈ ધરપકડ,જુઓ Video

સુરતમાં માંગરોળના બોરસરાં ગામની સીમમાં સગીરા સાથે દુષ્કર્મ થયું હોવાની ઘટનામાં વધુ એક આરોપીની ધરપકડ કરવામાં આવી છે. અમદાવાદ રેલવે પોલીસે વધુ એક આરોપીની ધરપકડ કરી છે. બે દિવસ પહેલા જ્યારે પોલીસ અન્ય બે આરોપીની ધરપકડ કરવા ગઇ હતી, તે દરમિયાન આ ત્રીજો આરોપી ફરાર થઇ ગયો હતો.

સુરતના માંગરોળમાં થયેલા ગેંગરેપ મામલે અમદાવાદ રેલવે પોલીસે વધુ એક આરોપીની ધરપકડ કરી છે. ગેંગરેપની ઘટના બાદ પોલીસે બે આરોપીની ધરપકડ કરી હતી. તે સમયે આ ત્રીજો આરોપી ફરાર થઇ ગયો હતો. જો કે હવે આરોપી રામ સજીવન ઉર્ફે રાજુની ધરપકડ થઇ છે. રામ સજીવન ગુજરાત બહાર નાસી જાય તે પહેલાં પોલીસે પકડી પાડ્યો છે. પશ્ચિમ રેલવેની ટીમે અમદાવાદથી ત્રીજા આરોપીની ધરપકડ કરી છે.

સગીરા પર અજાણ્યા શખ્સોએ આચર્યું દુષ્કર્મ !

સૂત્રો પાસે મળતી માહિતી અનુસાર સગીરા તેના મિત્ર જોડે બેસી હતી, ત્યારે અજાણ્યા શખ્શોએ આવી દુષ્કર્મ આચર્યું હતુ. અજાણ્યા લોકોએ સગીરા સાથેના યુવકને માર મારી ભગાડી દીધો હતો. જે રછી સગીરાને નજીકમાં અવાવરુ જગ્યાએ લઈ જઈને દુષ્કર્મ આચર્યું હતુ. સૂત્રો પાસેથી મળતી માહિતી અનુસાર ત્રણ પૈકી એક ઈસમે દુષ્કર્મ આચર્યું હતુ. અન્ય બે ઈસમોએ દુષ્કર્મ આચર્યું છે કે નહીં તે અંગે હજુ કોઇ માહિતી પ્રાપ્ત થઇ નથી.