Surat : સુરતમાંથી ઝડપાઈ 2.50 કરોડથી વધુની નકલી ચલણી નોટો, 3 આરોપી ડીંડોલી પોલીસના સકંજામાં, જુઓ Video

સુરત જાણે દિવસે દિવસે ક્રાઈમ સિટી બનતી જતી હોય તેવી ઘટનાઓ સતત બહાર આવી રહી છે. સુરતમાંથી બોગસ ડોકટરો બાદ હવે 2.50 કરોડથી વધુની નકલી ચલણી નોટો ઝડપાઈ છે. સુરતના ડીંડોલી પોલીસે 3 આરોપીઓને નકલી ચલણી નોટ સાથે ઝડપી પાડ્યા છે.

3 આરોપીની ધરપકડ

મુંબઈથી બનાવટી નોટોનું સુરતમાં ઘુસાડવાનું કાવતરું કરાયાનો આરોપ લગાવવામાં આવી રહ્યો છે. નકલી નોટને બેંક સહિત અન્ય જગ્યા પર આપી છેતરપિંડી આચરવાનું કારસ્તાન ઘડાયુ હોવાનું સામે આવી રહ્યું છે.

500 થી 200ના દરની નકલી નોટો ઝડપાઈ

ગેંગ નોટના બંડલમાં પહેલી અને છેલ્લી નોટ અસલી રાખતા હતા. જ્યારે બંડલની વચ્ચે બનાવટી નોટો રાખી છેતરપિંડી આચરતા હતા. નીયોલ ચેકપોસ્ટ નજીકથી નકલી નોટ સાથે આરોપી ઝડપાયા હતા. 500 થી 200ના દરની નકલી નોટો જપ્ત કરવામાં આવી છે.