સમગ્ર દેશ અને રાજ્યમાં ગણપતિ દાદાના ઉત્સવની ઉજવણી કરવામાં આવી રહી છે. ગણેશજી માટે મોટા વિવિધ થીમનું ડેકોરેશન કરવામાં આવે છે. ત્યારે મહેસાણાનું એક એવું ગણપતિ મંદિર કે જ્યાં ગણપતિ દાદાને ગાર્ડ ઓફ ઓનર અપાય છે. ગાયકવાડી સમયે શરૂ થયેલી સૌ વર્ષથી વધુ જૂની પરંપરા આજે ગણેશ ચતુર્થીએ મહેસાણામાં જોવા મળી રહી છે.
મહેસાણાના મુખ્ય બજારમાં આવેલું સિદ્ધિ વિનાયક ગાયકવાડી ગણપતિ મંદિર લગભગ 111 વર્ષ પુરાણુ છે. જ્યાં ગાયકવાડ દર્શન કરવા આવતા હતા. જેઓએ ગાર્ડ ઓફ ઓનરની શરૂઆત કરી હતી. ત્યારથી શરૂ થયેલા આ પ્રથા આજે પણ દર વર્ષની જેમ જાળવી રાખીને મહેસાણા પોલીસ દ્વારા ગણપતિ દાદાને ગાર્ડ ઓફ ઓનર અચૂકપણે આપવામાં આવે છે.