ગુજરાતભરમાં મેઘરાજા ધૂંઆધાર બેટિંગ કરી રહ્યાં છે. ત્યારે કેટલાક વિસ્તારોમાં જર્જરિત મકાન કે ઈમારતો ધરાશાયી થવાની ઘટના સામે આવતી હોય છે. જામનગરમાં આવેલી સાધના કોલોનીમાં આવાસના 3 માળના બિલ્ડિંગનો એક ભાગ ધરાશાઈ થયો છે.
બિલ્ડિંગમાં રહેલા મજૂરનું કાટમાળમાં ફસાતાં સારવાર દરમિયાન મોત થયુ છે. વહેલી સવારે બિલ્ડિંગ પડતા ફસાયેલા વ્યકિત બહાર કાઢી હોસ્પિટલ ખસેડાયો હતો. ગત વર્ષે આ વિસ્તારમાં જ એક બિલ્ડિંગ પડવાથી 3 લોકોના મોત થયા હતા. આવાસ જર્જરીત હાલતમાં હોવાથી તંત્રએ ખાલી કરાવ્યા હતા. જો કે હજુ પણ કેટલાક લોકો આ જોખમી આવાસમાં વસવાટ કરી રહ્યા છે. પરંતુ અહીં અનેક સવાલ થઈ રહ્યાં છે. જેમાં સૌથી મોટી પ્રશ્નએ છે કે કોઈ દુર્ઘટના બનશે તો જવાબદારી કોની ?