આપણા લોકસાહિત્યમાં જંગલના રાજા સાવજ વિશે ઘણુ લખાયુ છે. પોતાની મદમસ્ત ચાલ, આગવી છટા માટે જાણીતા સાવજ માટે કહેવાય છે કે, “હાકલ દીએ હીરણ્યમાં એની રાવળ સુધી રાડય; સિંહણજાયો છેડતા વડી વમાસણ થાય… બાકર બચ્ચા લાખ, લાખે બિચારા; પણ સિંહણ બચ્ચું એક, એકે હજારા…
આ ગીરના સિંહોની પ્રકૃતિ છે. જો કે આજકાલ સોશિયલ મીડિયામાં એક અકલ્પનિય વીડિયો વાયરલ થયો છે. જેમા જંગલના રાજા સિંહ અને પક્ષીઓના રાજા ગરૂડની જુગલબંધી જોઈ શકાય છે. આ વાયરલ વીડિયોમાં ગરૂડ (Eagle) સિંહની સવારી કરતા જોઈ શકાય છે. જંગલના રાજા સિંહ અને આકાશમાં ઊંચી ઉડાન ભરતા ગરૂડનો વીડિયો સામે આવ્યો છે. સિંહ અને ગરૂડની અનેરી મિત્રતાના દર્શન આ વીડિયોમાં થાય છે. જો કે આ વીડિયોની સત્યતા અંગે હજુ સુધી પુષ્ટિ કરાઈ નથી. આ વીડિયો ક્યાંનો છે તેની પણ કોઈ પુષ્ટિ કરાઈ નથી. કેટલાક વન્યકર્મીઓના જણાવ્યા મુજબ વીડિયો ગુજરાતનો તો લાગતો નથી.
ફોરેસ્ટ ઓફિસરના જણાવ્યા મુજબ વીડયોને AI ટૂલના માધ્યમથી મિક્સિંગ કરીને બનાવાયો હોવાની પણ શક્યતા દેખાઈ રહી છે. ધારી ગીરના DCF રાજદીપસિંહ ઝાલાના જમાવ્યા મુજબ વીડિયો ગુજરાતનો જણાતો નથી અને તેઓ વીડિયોની ખરાઈ અંગેની પણ પુષ્ટિ કરતા નથી. જો કે હાલ સિંહની સવારી કરતા ગરૂડનો વીડિયો સોશિયલ મીડિયામાં તો હિટ થઈ રહ્યો છે અને ધૂમ મચાવી રહ્યો છે.
વીડિયોમાં ગરૂડ ક્યારેક સિંહની કેશવાળી પર બેસે છે. ક્યારેક તેના મોંઢા પાસેથી આવી તેને ગેલ કરતુ જોઈ શકાય છે અને સિંહ પણ ગરૂડની તમામ મસ્તીની મજા લેતો જોઈ શકાય છે.
ગુજરાતના તમામ જિલ્લાના સમાચાર વાંચવા માટે અહીં ક્લિક કરો
Published On - 3:46 pm, Tue, 1 October 24