માછલીઓ પર કરવામાં આવેલા સંશોધનમાં સંપૂર્ણપણે અલગ અને અનોખી માહિતી સામે આવી છે. માછલીઓ કોઈ વસ્તુની માત્રા અથવા સંખ્યાને યોગ્ય રીતે સમજી શકે છે અને ગણતરી પણ કરી શકે છે. માછલીઓ ઉપરાંત કાચિંડો, મધમાખી અને પક્ષીઓમાં સામાન્ય અને સરળ અંકગણિત સમજવાની ક્ષમતા રહેલી છે.
બોન યુનિવર્સિટીના ઝૂલોજિસ્ટ વેરા શ્લુસેલ અને તેના સહયોગીઓએ કરેલા સંશોધનમાં સામે આવ્યું છે કે, આ માછલીઓમાં જે તે રંગના આધારે સૌથી મોટી અને સૌથી નાની સંખ્યાને ઓળખવાનું શીખી છે. જો કે બધી જ માછલીઓ આ શીખી જ ગઈ એમ નથી. પરંતુ સ્ટિંગ રે માછલીઓમાં સરવાળામાં 94 ટકા અને બાદબાકીમાં 89 ટકા એક્યુરસી જોવા મળી છે. આ પહેલા પણ આ બન્ને પ્રજાતિની માછલીઓ સાથે આ પ્રકારના પ્રયોગ થયા છે.