મકવાણા અટક ભારતમાં ખાસ કરીને ગુજરાત, રાજસ્થાન, મધ્ય પ્રદેશ અને મહારાષ્ટ્રમાં જોવા મળે છે.
આ અટક મુખ્યત્વે રાજપૂત, પટેલ અને ક્યારેક કોળી જાતિઓ સાથે સંકળાયેલી છે, અને તેનું ઐતિહાસિક મહત્વ પણ છે.
ભગવદ્ગોમંડલમાં જણાવ્યા અનુસાર કડિયા, ખવાસ, મોચી, રજપૂત, સુતાર, વ્યાસ, દેવીપૂજક, ખાંટ, અનુસુચિતજાતિ, આહીર, લુવાર, કોળી, કણબી અને દરજી સહિતના સમુદાયના લોકો આ અટકનો ઉપયોગ કરે છે.
જ્યારે અન્ય પબ્લિક ડોમિન પર આપેલી માહિતી અનુસાર મકવાણા શબ્દની વ્યુત્પત્તિ સંપૂર્ણપણે સ્પષ્ટ નથી, પરંતુ તે પ્રાચીન રાજપૂત કુળો સાથે જોડાયેલું હોવાનું માનવામાં આવે છે.
કેટલાક ઇતિહાસકારોના મતે, "મકવાણા" શબ્દ સંસ્કૃત અથવા પ્રાકૃતમાંથી આવ્યો હોઈ શકે છે અને તે કોઈ પ્રદેશ, કુળ અથવા પદવી સૂચવી શકે છે.
ગુજરાત અને રાજસ્થાનમાં કેટલીક કોળી જાતિઓએ પણ "મકવાણા" અટક અપનાવી, ખાસ કરીને કારણ કે તેઓ રાજપૂત-કોળી તરીકે તેમની સામાજિક પ્રતિષ્ઠા વધારવા લાગ્યા છે.
ગુજરાતના વિવિધ જિલ્લાઓમાં આ સમુદાયના લોકો વસવાટ કરે છે. તેમજ રાજસ્થાનમાં મકવાણા રાજપૂતો કેટલાક જિલ્લાઓમાં હાજર છે.
મકવાણા સમાજના લોકો પરંપરાગત રીતે ખેતી, લશ્કરી સેવામાં રોકાયેલા હતા. હવે આધુનિક વ્યવસાયો અને શિક્ષણમાં રોકાયેલા છે.(નોધ :પબ્લિક ડોમેનમાં ઉપલબ્ધ માહિતી અનુસાર આ સ્ટોરી ફાઈલ કરવામાં આવી છે.)