15 April 2025
લેન્સનો ઉપયોગ ત્યારે કરવામાં આવે છે જ્યારે આપણને દૂરની વસ્તુ કે નજીકની વસ્તુ ન દેખાય. જો તમે પણ કોન્ટેક્ટ લેન્સ પહેરો છો તો તમારે અમુક બાબતોનું ખાસ ધ્યાન રાખવું જોઈએ.
કોન્ટેક્ટ લેન્સ UV કિરણોથી પૂરેપૂરા સુકશીત નથી હોતા. જ્યારે તમે તડકામાં બહાર નીકળો ત્યારે UV પ્રોટેક્શનના સનગ્લાસ પહેરો, જેથી આંખોમાં થતા બળતરાથી તમે બચી શકો છો. બીજું કે, આંખો જલ્દી સુકાઈ જતી હશે તો તેનાથી પણ તમને રાહત મળશે.
ગરમીમાં આંખો જલ્દી સુકાઈ જાય છે. લેન્સ પહેરનાર વ્યક્તિઓને આ બાબત પર ખાસ ધ્યાન રાખવું જોઈએ. આવા સંજોગોમાં વ્યક્તિએ વધુ માત્રામાં પાણી પીવું જોઈએ અને ડોક્ટરની સલાહ લઈને આંખોમાં 'ડ્રોપ્સ' નાખવા.
હંમેશા હાથ ધોઈને જ લેન્સ લગાવવા. હાથ ધોયા વગર જો લેન્સ લગાડવામાં આવે તો આંખોને ઇન્ફેકશન લાગી શકે છે. આથી હંમેશા હાથ ધોઈને જ લેન્સ લગાવવા અને નિકાળવા.
સ્વિમિંગ કરતી વખતે અને વરસાદી વાતાવરણથી બચવું જોઈએ. જો આ પાણી આંખોમાં જતું રહે તો લેન્સ અને લેન્સની સાથે રહેલ બેક્ટેરિયા આંખોમાં જઈ શકે છે. આથી જ , સ્વિમિંગ કરતી વખતે અને સ્નાન કરતાં સમયે લેન્સ નીકાળી દેવા જોઈએ.
ગરમીની સિઝનમાં ACનો ઉપયોગ ના બરાબર જ કરવો હિતાવહ છે. ACમાં રહેવાથી આંખોની ડ્રાયનેસ વધી જાય છે. જો તમે AC રૂમમાં હોવ તો વારંવાર આંખો ઝબકાવતા રહો અને જરૂર પડે તો 'આઈ ડ્રોપ્સ' પણ નાખો.
ગરમીમાં બેક્ટેરિયાનું પ્રમાણ વધી જાય છે. આથી, લેન્સનો ઉપયોગ કર્યા બાદ તેને સાફ કરો અને તેની એક્સપાયરી ડેટ ચેક કરતા રહો.