હિન્દુ ધર્મમાં શિવલિંગ પર જળ ચઢાવવાનું પણ વિશેષ મહત્વ છે.
એવી માન્યતા છે કે શિવલિંગ પર જળ ચઢાવવાથી ભગવાન શિવ પ્રસન્ન થાય છે અને તેમના આશીર્વાદ વરસાવે છે.
પરંતુ શું તમે જાણો છો કે શિવલિંગ પર ચઢાવેલું પાણી પીવું જોઈએ કે નહીં?
શિવપુરાણમાં શિવલિંગને ચઢાવવામાં આવતા જળ સંબંધિત કેટલીક બાબતોનો ઉલ્લેખ કરવામાં આવ્યો છે. આનો પુરાવો શિવપુરાણના 22મા અધ્યાયના 18મા શ્લોકમાં મળે છે.
આ શ્લોક અનુસાર શિવલિંગને ચઢાવેલું જળ પી શકાય છે. શિવલિંગ પર ચઢાવેલું પાણી પીવું ખૂબ જ શુભ માનવામાં આવે છે.
કહેવાય છે કે શિવલિંગ પર ચઢાવેલું જળ પીવાથી રોગોથી મુક્તિ મળે છે. આ ઉપરાંત આ પાણી નકારાત્મક ઉર્જા પણ દૂર કરે છે.
તમે શિવલિંગ પર ચઢાવવામાં આવેલ જળને 3 વખતમાં થોડું થોડું હાથમાં ભરીને પી શકો છો. આ પીવાથી મન શાંત થાય છે અને તણાવ દૂર થાય છે.
શિવલિંગ પર ચઢાવેલું જળ પીતી વખતે ધ્યાન રાખવું કે તે કોઈના પગમાં ન આવી જાય. આ વાતનું પણ ધ્યાન રાખો કે શિવલિંગ પર ચઢાવેલું પાણી પીતી વખતે શિવલિંગને સ્પર્શ ન કરો.
નોંધ : અહીં આપવામાં આવેલી માહિતી ધાર્મિક માન્યતાને આધારિત છે.