હવે તમે કલમ 80C હેઠળ 1.5 લાખ રૂપિયાની છૂટ મેળવી શકો છો. આ રીતે તમારી કરપાત્ર આવક 9 લાખ રૂપિયા રહી જાય છે.
એક્સપર્ટના જણાવ્યા અનુસાર હવે તમે NPSમાં વાર્ષિક રૂપિયા 50 હજારનું રોકાણ કરીને કલમ 80CCD (1B) હેઠળ વધારાના રૂપિયા 50 હજારનો ટેક્સ બચાવી શકો છો. આ રીતે તમારી કરપાત્ર આવક 8.50 લાખ રૂપિયા રહે છે.
જો તમારી પાસે હોમ લોન છે, તો તમે કલમ 24B હેઠળ વ્યાજ પર 2 લાખ રૂપિયા સુધીનો ટેક્સ બચાવી શકો છો.
બલવંત જૈનના કહેવા પ્રમાણે, જો તમે હોમ લોનને બદલે HRA પર ટેક્સ છૂટ ઇચ્છતા હોવ તો 11 લાખ રૂપિયાના પગાર પર 2,40,000 રૂપિયાનો HRA કરવામાં આવશે. આ રીતે કરપાત્ર આવક રૂપિયા 6.1 લાખ (8.5 લાખ-2.4 લાખ) થશે.
કલમ 80D હેઠળ, તમે તમારા મેડિકલ વીમા પ્રિમીયમ પર રૂપિયા 25,000 સુધીની ટેક્સ છૂટ મેળવી શકો છો. જો તમારા ઘરમાં વરિષ્ઠ નાગરિક માતા-પિતા છે, તો તેમના પ્રીમિયમ પર પણ 50,000 રૂપિયાની છૂટ મળશે. આ રીતે તમારી કરપાત્ર આવકમાં 5.35 લાખ રૂપિયાની બચત થશે.
બલવંત જૈનના જણાવ્યા અનુસાર, હવે તમને LTA હેઠળ 50,000 રૂપિયા વધુ ટેક્સ છૂટ મળે છે, તો તમારી ટેક્સેબલ સેલેરી 4,85,000 રૂપિયા થશે.
હવે જૂની ટેક્સ વ્યવસ્થામાં 5 લાખ રૂપિયા સુધીની આવક પર 12,500 રૂપિયાનો ટેક્સ લાગે છે. પરંતુ કલમ 87A હેઠળ અહીં 12,500 રૂપિયાની ટેક્સ છૂટ ઉપલબ્ધ છે. તેથી અહીં 5 લાખ રૂપિયા સુધીની આવક પર કોઈ ટેક્સ ચૂકવવો પડતો નથી.