અમેરિકામાં ભારતીય સંસ્કૃતિને ધબકતી રાખવા ગુજરાતીઓએ કરી હોળીની ઉજવણી 

અમેરિકન ભારતીયો દ્વારા અમેરિકામાં પણ ભારતીય સંસ્કૃતિને ધબકતી રાખવા અને ભારતીય સંસ્કારોનું જતન સિંચન કરતા ઉત્સવોની ભાવસભર ઉજવણી કરવામાં આવે છે. પશ્ચિમની સંસ્કૃતિમાં અને વાતાવરણમાં જઈ વસેલા ભારતીય ગુજરાતી પરિવારો ભારતીય ઉત્સવો પારંપરિક રીતે ઉજવે છે અને નવી પેઢીને સંસ્કારીત કરી રહ્યા છે. અમેરિકાના ઓરેન્જ સિટીના એનહાઈમાં ઈન્ડો અમેરિકન કલ્ચરલ સોસાયટી અને ગાયત્રી મંદિર પરિવારના સંયુક્ત ઉપક્રમે હોળી ઉત્સવ ખૂબ ધામધૂમ પૂર્વક ઉજવવામાં આવ્યો હતો. આ ઉત્સવમાં લોસ એન્જલસ, ઓરેન્જ કાઉન્ટી અને આસપાસ રહેતા અનેક ગુજરાતી પરિવારોએ હોળી પૂજનમાં ભાગ લીધો હતો.

Web Stories View more

IPL વચ્ચે ક્રિકેટર મલિંગાએ પત્ની સાથે શેર કર્યો રોમેન્ટિક વીડિયો, જુઓ

પ્રેમાનંદ મહારાજ વૃંદાવન કેમ છોડતા નથી? જણાવ્યું મોટું રહસ્ય

ગરમીમાં હાઈ બીપીના દર્દીઓએ ભૂલથી પણ ના ખાવી જોઈએ આ વસ્તુઓ, જાણો અહીં

કથાકાર જયા કિશોરી ગુસ્સે થાય ત્યારે શું કરે છે? જાતે ખોલ્યા રાઝ

એક નાની ઈલાયચીનું સેવન કરવાથી થશે અઢળક ફાયદા

ગુજરાતની ટીમમાં રમતી મહિલા ખેલાડીએ ગર્લફ્રેન્ડ સાથે કરી સગાઈ, તસવીરો આવી સામે

ગાયત્રી મંદિરના ખુલ્લા ચોગાનમાં સાંજ ઢળતા શાસ્ત્રોક્ત વિધિ અનુસાર પૂજન વિધિ કરી હોળી પ્રગટાવવામાં આવી હતી. આ તબકકે શ્રધ્ધાળુઓ દ્વારા ગાયત્રી મંત્રના મંત્રોચ્ચાર સાથે પુંજન સામગ્રી હોળીમાં હોમવામાં આવી હતી. ઉત્સવના અંતે ધાણી, ખજૂર અને ગુજરાતી ભોજન પ્રસાદનું પણ આયોજન રખાયું હતું. આ ઉત્સવ કાર્યક્રમને સ્થાનિક ભારતીયોએ મનભરીને માણ્યો હતો. કોવિડ ગાઈડલાઈનને લઈ અન્ય તામઝામમાં સાદગી પાળવામાં આવી હતી. આ ઉત્સવ કાર્યક્રમમાં ગાયત્રી પરિવાર એનાઈમના પ્રમુખ રાજુભાઈ પટેલ, ઈન્ડો અમેરિકન કલ્ચરલ સોસાયટીના પ્રમુખ પરિમલભાઈ શાહ, સંસ્થાના સેક્રેટરી અને લેબોન હોસ્પિટલીટી ગ્રુપના યોગી પટેલ દ્વારા ઉત્સવની સુચારુ વ્યવસ્થા ગોઠવવામાં આવી હતી.

ગાયત્રી પરિવારના પૂજારી કૌશિકભાઈ પટેલે શાસ્ત્રોકત મંત્રોચ્ચાર સાથે પારંપરિક વિધિ સંપન્ન કરી હતી. આ તબક્કે સોનિયા પટેલ, હેમુ પટેલ, કલ્પના શાહ, જાગૃતિ પટેલ, ઉમા બેન પટેલ, ડાહીબેન પટેલ સહિત મહિલા શ્રધ્ધાળુઓએ ઉત્સવનો આનંદ વ્યક્ત કરતા જણાવ્યું હતું કે પ્રત્યેક ઉત્સવ તેઓ સાથે મળી ભારતીય પરંપરા મુજબ ઉજવે છે. કાર્યક્રમના અંતે લેબોન હોસ્પિટાલિટી ગ્રુપના ચેરમેન યોગી પટેલ દ્વારા હોળીકા દહન સાથે કોરોના દહન પણ અનિવાર્ય હોવાનું જણાવી ઉપસ્થિત પ્રત્યેક ગુજરાતી પરિવારજનોને કોરોના વેકિસન લેવા અનુરોધ અને અપીલ કરાઈ હતી.