નાસાએ જાહેરાત કરી છે કે સપ્ટેમ્બરથી આંતરરાષ્ટ્રીય અવકાશ મથક પર ફસાયેલા અવકાશયાત્રીઓ બુચ વિલ્મોર અને સુનિતા વિલિયમ્સ અપેક્ષા કરતાં વહેલા પૃથ્વી પર પાછા આવી શકે છે.
નાસા અને સ્પેસએક્સે કહ્યું છે કે તેઓ આગામી અવકાશયાત્રી ફ્લાઇટ્સ માટે કેપ્સ્યુલને બદલશે.
વિલ્મોર અને વિલિયમ્સ અવકાશમાં ફસાયેલા રહેવાનો સમય ઘટાડવા માટે આ નિર્ણય લેવામાં આવ્યો છે. કારણ કે બંનેને ત્યાં ગયાને આઠ મહિના થઈ ગયા છે.
નવા કેપ્સ્યુલ માટે જરૂરી તૈયારીઓને કારણે સ્પેસએક્સે તેના રિપ્લેસમેન્ટ ક્રૂનું લોન્ચિંગ રદ કર્યું. આ કારણે, વિલ્મોર અને વિલિયમ્સનું મિશન લાંબું થયું અને તેમનો પરત ફરવાનો સમય મુલતવી રાખવામાં આવ્યો.
આ મિશન, જે શરૂઆતમાં એક્સિઓમ સ્પેસ દ્વારા આયોજિત ખાનગી ક્રૂ માટે સુનિશ્ચિત થયેલ હતું, હવે 12 માર્ચે લોન્ચ કરવામાં આવશે.
આ અઠવાડિયે એક નિવેદનમાં, સ્પેશ એજન્સીએ જણાવ્યું હતું કે બંને અવકાશયાત્રીઓ માર્ચના અંત અથવા એપ્રિલના બદલે માર્ચના બીજા અઠવાડિયા સુધીમાં પરત ફરી શકે છે.
નવા લોન્ચિંગમાં પોલેન્ડ, હંગેરી અને ભારતના અવકાશયાત્રીઓ સહિત ખાનગી ક્રૂ હતા. હવે વિલ્મોર અને વિલિયમ્સના પુનરાગમન સાથે, તે વસંતઋતુમાં શરૂ થશે.