Vadodara Rain: વાવાઝોડા સાથેના વરસાદે વડોદરાને ધમરોળ્યુ, અનેક વૃક્ષો અને હોર્ડિંગ ધરાશાય, VMCનો એક્શન પ્લાન ધોવાયો

Vadodara Monsoon: વડોદરા શહેરમાં આજે બપોરના સમયે અચાનક જ વાવાઝોડા સાથે ભારે વરસાદ (Rain) શરૂ થયો હતો અને શહેરમાં અડધો કલાકમાં દોઢ ઇંચ જેટલો વરસાદ વરસતાં જનજીવન ખોરવાઇ ગયું હતું.

Vadodara Monsoon: વડોદરા શહેરમાં આજે બપોરના સમયે અચાનક જ વાવાઝોડા સાથે ભારે વરસાદ (Rain) શરૂ થયો હતો અને શહેરમાં અડધો કલાકમાં દોઢ ઇંચ જેટલો વરસાદ વરસતાં જનજીવન ખોરવાઇ ગયું હતું. અનેક સ્થળોએ વૃક્ષો ધરાશાય (Tree Collapse) થઈ ગયાં હતાં અને 3થી 4 સ્થળોએ ઝાડ નીચે વાહનો દબાઇ ગયાં હતાં અને અનેક સ્થળોએ ટ્રાફિકજામનાં દૃશ્યો જોવા મળ્યાં હતાં.

નીચાણવાળા વિસ્તારોમાં પાણી ભરાઇ ગયાં છે તો કેટલાંક સ્થળોએ હોર્ડિંગ્સ જમીનદોસ્ત થઇ ગયાં હતાં. વડોદરાનાં રાત્રિબજાર પાસે આવેલું વિશાળ હોર્ડિંગ્સ તૂટી પડતાં ટ્રાફિક ખોરવાઇ ગયો હતો. આ ઉપરાંત વડોદરા શહેરના રાવપુરા, માંડવી, ન્યાયમંદિર, કારેલીબાગ, વાઘોડિયા રોડ અને ફતેગંજ સહિતના વિસ્તારોમાં પાણી ભરાઇ ગયાં હતાં, જેને પગલે વાહનચાલકો મુશ્કેલીમાં મુકાઇ ગયા હતા.

વડોદરા શહેરમાં ભારે પવન સાથે વરસાદ વરસતાં અનેક વિસ્તારોમાં વીજળી ગુલ થઇ ગઇ હતી, જેને પગલે શહેરીજનો મુશ્કેલીમાં મુકાઇ ગયાં હતાં, જેને પગલે વીજ કંપની અને ફાયરબ્રિગેડે કામગીરી શરૂ હતી.  શહેરમાં અચાનક વાતવરણમાં પલટો જોવા મળ્યો અને ત્યારબાદ ભારે પવન સાથે મુશળધાર વરસાદ વરસવા લાગ્યો હતો જેના કારણે અનેક જગ્યાએ હોર્ડિંગ્સ ધરાશાય થયા હતા.

સાથે જ દિવાલ પડી જવાની પણ ઘટના સામે આવી હતી તો બીજી તરફ તોફાની વરસાદને કારણે અનેક વૃક્ષ જમીનદોસ્ત થયા હતા અનેક જગ્યાએ પાણી ભરાયા હતા. પાણીના નિકાલ માટે કોર્પોરેશનની ટીમ કામે લાગી હતી તો બીજી તરફ ધરાશાય થયેલા વૃક્ષ અને દિવાલને હટાવવાની કામગીરી શરૂ કરવામાં આવી છે.

વડોદરામાં ધોધમાર વરસાદ થતા હાલ બેહાલ થઇ ગયા અનેક સ્થળોએ વૃક્ષો ધરાશાયી થવાની પણ ઘટના સામે આવી જેમાં કારેલીબાગ મેન્ટલ હોસ્પિટલ રોડ પર બે વૃક્ષ ધરાશાય થઇ ગયા જો કે, માહિતી મળતા જ ફાયર બ્રિગેડ અને કોર્પોરેશને વૃક્ષોનું કટિંગ કરીને લઇ ગયા હતા સારી વાત એ છે કે, આ ઘટનામાં કોઇ જાનહાની થઇ નથી.

 

Click on your DTH Provider to Add TV9 Gujarati