Ahmedabad : અમદાવાદમાં જળયાત્રા કાઢવાની મંજૂરી અપાઈ, 50થી ઓછા લોકો હાજર રહેશે

Ahmedabad : અમદાવાદમાં કોવિડ પ્રોટોકોલ પ્રમાણે જળયાત્રા (Jal yatra) કાઢવાની મંજૂરી અપાઈ છે, રથયાત્રા(Rathyatra) પૂર્વે નીકળતી જળયાત્રા 24 જૂને ચુસ્ત પોલીસ બંદોબસ્ત સાથે નીકળશે.

  • Publish Date - 2:27 pm, Fri, 18 June 21 Edited By: Utpal Patel

Ahmedabad : અમદાવાદમાં કોવિડ પ્રોટોકોલ પ્રમાણે જળયાત્રા (Jal yatra) કાઢવાની મંજૂરી અપાઈ છે, રથયાત્રા(Rathyatra) પૂર્વે નીકળતી જળયાત્રા 24 જૂને ચુસ્ત પોલીસ બંદોબસ્ત સાથે નીકળશે. આજે મંદિરના ટ્રસ્ટી અને પોલીસ વચ્ચે બેઠક મળી હતી.

અમદાવાદમાં રથયાત્રા(Rathyatra)ને લઈ મહત્વના સમાચાર સામે આવી રહ્યા છે. ગુજરાતમાં પ્રથમ નંબરની ભગવાન જગન્નાથની રથયાત્રા (Rathyatra)  અમદાવાદમાં યોજાય છે. અને બીજા નંબરની રથયાત્રા ભાવનગર ખાતે દર વર્ષે યોજાય છે.

 

જેમાં જળયાત્રા (Jal yatra) કાઢવાનો એક્શન પ્લાન ઘડી કઢાયો છે, નિયમો પ્રમાણે આ વખતની જળયાત્રામાં કેટલાક ફેરફાર કરાયા છે, જેની વાત કરીએ તો, જળયાત્રામાં ફક્ત 50 લોકો જ હાજર રહી શકશે, ફક્ત મંદિરના પૂજારી સહિતના લોકો જ જળયાત્રાનો પ્રસંગ ઉજવશે.

108 કળશની જગ્યાએ માત્ર 5 કળશ સાથે રાખવામાં આવશે. કોઈપણ ભજન મંડળી જળ યાત્રા(Jal yatra) માં સામેલ નહિ થઈ શકે. બને ત્યાં સુધી ગજરાજ પણ નહીં રાખવામાં આવે અને જો ગજરાજ રખાશે તો એક જ ગજરાજ જોડાશે. જળયાત્રામાં નાયબ મુખ્યપ્રધાન નીતિન પટેલ (Deputy Chief Minister Nitin Patel)અને ગૃહરાજ્યપ્રધાન પ્રદીપસિંહ જાડેજા ( Pradipsinh Jadeja)પણ હાજર રહેશે.

જગન્નાથ મંદિર ખાતે ટ્રસ્ટી અને પોલીસ વચ્ચે બેઠક મળી હતી. પોલીસના ચુસ્ત બંદોબસ્ત હેઠળ જળયાત્રા નીકળશે.

Click on your DTH Provider to Add TV9 Gujarati