Texas Pile up car crashes: બરફનાં તોફાને 100 કરતા વધારે કારને રમકડાની જેમ ઉડાડી, 9 લોકોનાં મોત, જુઓ વિડિયો

Texas Pile up car crashes: અમેરીકા(America)માં ઠંડીનું જોર ઘટવાનું નામ નથી લઈ રહ્યું. ટેક્સાસ (Texas) પ્રાંતમાં ગુરૂવારે બરફનાં તોફાન (Winter Storm)નાં કારણે ભયાનક સડક હાદસાની ઘટના સામે આવી. બરફ અને ઝડપી બર્ફીલા પવનનાં કારણે વાહન ચાલકોએ બેલેન્સ ગુમાવ્યુ જેને લઈને 100 કરતા વધારે કાર એકબીજા સાથે ટકરાઈ ગઈ(Texas Pile up more than 100 cars crashed to each other ). આ ઘટનામાં અત્યાર સુધીમાં 9 લોકોનાં મોત થઈ ગયા છે અને 65 કરતા વધારે લોકો હોસ્પીટલમાંં સારવાર હેઠળ ખસેડવામાં આવ્યા છે. ડલાસ ફોર્ટવાર્થ વિસ્તારમાં 24 કલાકમાં 300 કરતા વધારે રોડ અકસ્માતની ઘટના સામે આવી છે.

CNNની એક રીપોર્ટ પ્રમાણે આંતરરાજ્ય 35 વેસ્ટ રોડ પર એક સાથે 133 વાહન એક સાથે ટકરાઈ ગયા હતા. આ ઘટનામાં 6 લોકોનાં મોત થઈ ગયા હતા, આ સિવાય ડલાસમાં બરફ પર વાહન લપસી જવાને કારણે 3 લોકોનાં મોત થઈ ગયા હતા. આ ઘટના સવારે 6 કલાકે થયો હતો કે જેમાં એકસાથે આટલા વાહનો અથડાઈ ગયા હતા.