Surat: કોંગ્રેસના પૂર્વ કોર્પોરેટર દિનેશ કાછડીયાએ કોંગ્રેસ છોડી AAP પાર્ટીનું ઝાડુ પકડ્યું, શહેરનાં હિતમાં નિર્ણય લીધાનો દાવો

Surat મનપાનો જંગ હારી ચૂકેલી કોંગ્રેસને વધુ એક મોટો ફટકો પડ્યો છે. કોંગ્રેસના પૂર્વ કોર્પોરેટર દિનેશ કાછડીયાએ કોંગ્રેસના હાથ છોડીને હવે AAPનું ઝાડું પકડ્યું છે. દિનેશ કાછડીયાએ બપોરે કોંગ્રેસમાંથી રાજીનામુ ધર્યું અને સાંજે AAPમાં જોડાઇ ગયા. દિનેશ કાછડીયાનું માનવું છે કે તેઓના ચાહકો અને કાર્યકરોની ચાહનાને વશ થઇને તેઓએ આ નિર્ણય લીધો છે જોકે તેઓએ સ્પષ્ટતા કરી છે કે કોંગ્રેસ પક્ષ સાથે તેઓને કોઇ નારાજગી નથી અને તેઓએ કોંગ્રેસનું નામ ખરાબ થાય તેવું કોઇ કામ નથી કર્યું જોકે શહેરના હિતને ધ્યાનમાં રાખીને આમ આદમી પાર્ટીમાં જોડાવાનો નિર્ણય કર્યો હોવાનો મત કાછડીયાએ રજૂ કર્યો હતો.