ગીર સોમનાથના ઉના નજીક ખેતરમાં બે સિંહ લટાર મારતા જોવા મળ્યા છે. મગફળીના ખેતરમાં બે સિંહ ફરતા હોવાનો વીડિયો કેમેરામાં કેદ થયો છે. આ દૃશ્ય સામે આવતા આસપાસના વિસ્તારમાં ચર્ચા અને ફફડાટનો માહોલ જોવા મળ્યો છે. મળતી માહિતી મુજબ, આ વીડિયો ઉનાના તપોવન વિસ્તારનો હોવાનું સામે આવ્યું છે. વીડિયોમાં બે સિંહ ખેતરમાંથી પસાર થઈ લટાર મારતા નજરે પડી રહ્યા છે. ખેતરમાં સિંહોની હાજરીનો આ વીડિયો સોશિયલ મીડિયા પર વાયરલ થયો છે. ગીર સોમનાથ જિલ્લામાં અવારનવાર સિંહો માનવ વસાહત અને ખેતર વિસ્તારોની નજીક જોવા મળતા હોય છે. હાલ વાયરલ થયેલા આ વીડિયોમાં બે સિંહ ખેતરમાં ફરતા જોવા મળ્યા છે. જોકે, આ ઘટનાને લઈને વધુ વિગતો કે વન વિભાગની સત્તાવાર માહિતી સામે આવી નથી.
