ગુજરાતની જાણીતી લોકગાયિકા કાજલ મહેરિયા ફરી એકવાર ચર્ચાના કેન્દ્રમાં આવી છે. આ વખતે કોઈ ગીત કે કાર્યક્રમ નહીં. પરંતુ તેના નામે ફેમિલી કોર્ટમાં દાખલ કરાયેલી શંકાસ્પદ છૂટાછેડાની અરજી છે. અરજીની જાણ થતાં કાજલ મહેરિયા અને તેમના પતિ અલ્પેશ ઠાકોર બંને આશ્ચર્યમાં મૂકાઈ ગયા છે.મહેસાણાની ફેમિલી કોર્ટમાં દાખલ થયેલી અરજી પર સુનાવણી દરમિયાન કાજલ મહેરિયા અને અલ્પેશ ઠાકોરને નોટિસ પાઠવવામાં આવી હતી. ત્યારબાદ બંને પક્ષને ખબર પડી કે તેમના નામે કોઈ અજાણી વ્યક્તિએ અરજી દાખલ કરી છે. આ ઘટનાએ સમગ્ર મામલાને રહસ્યમય બનાવી દીધો છે.અરજીમાં એવો દાવો કરવામાં આવ્યો છે કે બંને વચ્ચે મતભેદો છે અને લગ્નજીવન આગળ સુખદ રીતે ચાલે તેવી શક્યતા નથી.,.જ્યારે આ છૂટાછેડાની ખોટી અરજી કરનાર વિરુદ્ધ તપાસ કરવા કાજલ મહેરિયાએ પોલીસમાં અરજી પણ કરી છે. વકીલ મારફતે થયેલી અરજીને લઈ હવે પોલીસ તપાસ કરશે. કોણે અને કયા હેતુથી આ અરજી દાખલ કરી તે અંગે તપાસ આગળ વધતાં આગામી દિવસોમાં નવા ખુલાસા સામે આવે તેવી શક્યતા વ્યક્ત કરવામાં આવી રહી છે.
