ગુજરાતમાં હજુ ચોમાસાની સત્તાવાર એન્ટ્રી નથી થઈ. પરંતુ, આગામી દિવસોમાં હળવાથી મધ્યમ વરસાદની શક્યતા સેવાઈ રહી છે. હવામાન નિષ્ણાત અંબાલાલ પટેલની આગાહી મુજબ 15 જૂન સુધી દક્ષિણ ગુજરાતના જિલ્લાઓમાં હળવા વરસાદની શક્યતા છે. તો 16 જૂનથી ચોમાસાની ગતિવિધિ વધવાની આગાહી વ્યક્ત કરવામાં આવી છે. અંબાલાલ પટેલના જણાવ્યા મુજબ 20 થી 28 જૂન દરમિયાન રાજ્યમાં વરસાદી માહોલ જમાવટ કરશે. દક્ષિણ અને મધ્ય ગુજરાત સહિત સૌરાષ્ટ્રમાં સારો વરસાદ પડવાની આગાહી વ્યક્ત કરવામાં આવી છે.
