દક્ષિણ ગુજરાતમાં વરસાદી હેલીના કારણે રાજયના જીવાદોરી સમાન નર્મદા ડેમની જળસપાટીમાં ઉત્તરોતર વધારો નોંધાઇ રહ્યો છે. ત્યારે હાલ સરદાર સરોવર ડેમની જળસપાટી 128.82 મીટર નોંધાઇ છે. નર્મદા ડેમની મહત્તમ સપાટી 138.68 મીટર છે. ત્યારે હવે નર્મદા ડેમ તેની સંપૂર્ણ સપાટીથી માત્ર 10 મીટર જ દૂર છે. પાણીની આવક 1 લાખ 10 હજાર 350 ક્યુસેક પહોંચી છે. 24 કલાકમાં જળ સપાટી 65 સેન્ટિમીટરથી પણ વધારે વધી છે. ત્યારે સરદાર સરોવર ડેમ હવે નજીકના દિવસોમાં જ છલકાય તેવી શક્યતા છે.