ગુજરાતમાં ગરમીની વચ્ચે હવામાનમાં મોટો પલટો આવ્યો છે. ઉત્તર પાકિસ્તાન તરફ સાયક્લોનિક સિસ્ટમ સક્રિય થતાં હવામાન વિભાગે આવતીકાલ સુધી રાજ્યના કેટલાક ભાગોમાં હળવા વરસાદની આગાહી કરી છે. આગાહી મુજબ સૌરાષ્ટ્રના ગીર સોમનાથ, અમરેલી અને દીવમાં વરસાદ પડી શકે છે. જ્યારે દક્ષિણ ગુજરાતના નવસારી, વલસાડ અને ડાંગ જિલ્લામાં હળવાથી મધ્યમ વરસાદી ઝાપટાંની સંભાવના છે. એકતરફ વરસાદી માહોલ છે, તો બીજી તરફ ગરમીમાંથી હાલ કોઈ રાહત નહીં મળે. હવામાન વિભાગના જણાવ્યા મુજબ ૨૨ થી ૨૮ મે સુધી રાજ્યમાં કાળઝાળ ગરમીનું જોર યથાવત રહેશે. સૌરાષ્ટ્ર અને દક્ષિણ ગુજરાતમાં હળવા વરસાદની હવામાન વિભાગની આગાહી. સૌરાષ્ટ્રમાં ગીર સોમનાથ અને અમરેલી તેમજ દીવમાં વરસાદ વરસી શકે. તો દક્ષિણ ગુજરાતમાં નવસારી, વલસાડ, ડાંગ જિલ્લામાં વરસાદ વરસવાની શક્યતા.. ગરમીથી રાહત ન મળવાનું પણ હવામાન વિભાગનું અનુમાન. આગાહી અનુસાર, 28 તારીખ સુધી ગરમીમાં કોઈ રાહત નહીં મળે. ઉત્તર પાકિસ્તાન તરફ સાયક્લોનિક સિસ્ટમ સક્રિય થઈ હોવાની આગાહી.
