અમદાવાદમાં દિવાળીના તહેવારને પગલે કાંકરિયા તળાવમાં બોટિંગ સેવા ફરી શરૂ. હરણીકાંડ પછી બંધ થયેલી બોટિંગ સેવા શરૂ કરાઈ. સલામતીના ભાગરૂપે 3 વર્ષથી નાના બાળકોને બોટમાં એન્ટ્રી નહીં મળે. ટિકિટના દર અગાઉ પ્રમાણે 60થી 300 રૂપિયા સુધીનો રહેશે. સવારે 10થી રાતના 10 વાગ્યા સુધી બોટિંગ સેવા શરૂ રહેશે. મહત્વનું છે વડોદરામાં હરણીકાંડ થયા પછી AMCએ જાન્યુઆરી 2024માં કાંકરિયા તળાવમાં બોટ સેવા બંધ કરી દીધી હતી. જો કે હવે લગભગ પોણા ત્રણ વર્ષ પછી તહેવારોને ધ્યાને લઇને આ સેવા આજથી ફરી શરૂ કરાઇ છે. જો કે બોટ સેવામાં સલામતીના તમામ નિયમોનું કડકાઇથી પાલન કરાઇ રહ્યું છે.મુલાકાતીઓની સુરક્ષા સાથે કોઇપણ પ્રકારની બાંધછોડ કરાશે નહીં તો હાલ કોઇ નવી ટેન્ડર પ્રક્રિયા કરાઇ નથી. આમ્રપાલી એજન્સીને. વર્ષ 2004થી 20 વર્ષ માટે કોન્ટ્રાક્ટ અપાયો હતો.જે 2024માં પૂર્ણ થતો હતો. પરંતુ કોરોનાકાળમાં બોટ સેવા બંધ રહી હોવાથી જે-તે સમયની સ્થાયી સમિતિએ એજન્સીનો કોન્ટ્રાક્ટ 2027 સુધી લંબાવ્યો હતો. જેને યથાવત રાખવામાં આવ્યો છે.
