સોના અને ચાંદીના ભાવમાં ફરી તેજી જોવા મળી છે. 24 કેરેટ 10 ગ્રામ સોનાનો ભાવ વધીને 1.60 લાખને પાર થયો. તો એક કિલો ચાંદી પણ 4 હજારના વધરા સાથે 2.47 લાખને પહોંચી છે. આ ભાવ વધારા પાછળ યુએસ ડોલરની નબળાઈ અને વૈશ્વિક બજારના કારણો મુખ્ય છે. અમદાવાદમાં સોના અને ચાંદીના ભાવમાં આજે વધારો નોંધાયો છે. MCXમાં 10 ગ્રામ સોનાના ભાવમાં રૂ. 1,800નો વધારો થતાં સોનાનો ભાવ વધીને રૂ. 1,61,300 પર પહોંચી ગયો છે. સોનાના ભાવમાં થયેલા આ વધારાને કારણે બજારમાં તેજીનો માહોલ જોવા મળી રહ્યો છે. બીજી તરફ ચાંદીના ભાવમાં પણ નોંધપાત્ર વધારો થયો છે. એક કિલો ચાંદીના ભાવમાં રૂ. 4,000નો વધારો થતાં ચાંદીનો ભાવ વધીને રૂ. 2,47,300 પર પહોંચી ગયો છે. સોના અને ચાંદી બંને કિંમતી ધાતુઓના ભાવમાં એકસાથે વધારો થતાં રોકાણકારો અને ગ્રાહકોની નજર હવે આગામી દિવસોના ભાવ પર રહેશે.
