ફરી એક વખત મલ્ટી કોમોડિટી એક્સચેન્જમાં સોના-ચાંદીના ભાવમાં બોલ્યો કડાકો. 10 ગ્રામ સોનું 1,700 રૂપિયા ઘટીને 1 લાખ 23 હજાર પર પહોંચ્યું. તો 1 કિલો ચાંદી 2 હજાર રૂપિયા ઘટીને 1 લાખ 48 હજાર રૂપિયા થઈ. હજુ પણ સોના-ચાંદીના ભાવમાં આવી શકે છે ઓટ. મંગળવારે આંતરરાષ્ટ્રીય બજારમાં સોના અને ચાંદીમાં તીવ્ર ઘટાડો જોવા મળ્યો. સ્પોટ ગોલ્ડ 6.3% ઘટીને $4,082.03 પ્રતિ ઔંસ થયું, જ્યારે સ્પોટ સિલ્વર 8.7% ઘટીને $47.89 પ્રતિ ઔંસ થયું છે. જોકે, આજે, 22 અને 23 ઓક્ટોબરે, સોના અને ચાંદીના ભાવમાં ફરી એક વધારો જોવા મળ્યો. ચાંદી 1 ટકાથી વધુ વધીને $48.265 થઈ ગઈ, અને સોનું લગભગ 0.87 ટકા વધીને $4143 પ્રતિ ઔંસ થયું. જ્યારે સોનામાં પહેલાથી જ 12 વર્ષમાં સૌથી મોટો ઘટાડો નોંધાયો હતો, ત્યારે ચાંદીમાં ફેબ્રુઆરી 2021 પછીનો સૌથી મોટો ઘટાડો નોંધાયો હતો. આ ઘટાડો એક અઠવાડિયા લાંબી તેજી પછી વ્યાપક બજારમાં વેચવાલી વચ્ચે આવ્યો હતો જેણે કિંમતી ધાતુઓને સતત રેકોર્ડ ઊંચાઈ પર ધકેલી દીધી હતી.
